बातम्या

Jaykwadi Water Dam: मराठवाड्याचा पाणी प्रश्न पेटणार? आमदार चव्हाण, बंब यांनी पत्राद्वारे केली पाणी सोडण्याची मागणी

मराठवाड्यात कमी पाऊस झाल्याने दुष्काळ सदृश्य परिस्थिती निर्माण झाली आहे. तसेच जायकवाडी धरणात फक्त 47 टक्के पाणीसाठा उरलेला असुन सध्या मराठवाड्यात पाणी टंचाईचा प्रश्न निर्माण झाला आहे. अहमदनगर आणि नाशिक जिल्ह्यांतील धरणांत 95 टक्के साठा उपलब्ध असुन, या धरणांमधुन पाणी सोडण्याची मागणी आमदार सतीश चव्हाण यांनी केली आहे.

भावना भालशंकर Updated on Monday, 16 October 2023 12:12 PM

Water Issue News : मराठवाड्यात कमी पाऊस झाल्याने दुष्काळ सदृश्य परिस्थिती निर्माण झाली आहे. तसेच जायकवाडी धरणात फक्त 47 टक्के पाणीसाठा उरलेला असून सध्या मराठवाड्यात पाणी टंचाईचा प्रश्न निर्माण झाला आहे. यामुळेअहमदनगर आणि नाशिक जिल्ह्यांतील धरणांत 95 टक्केसाठा उपलब्ध असून या धरणांमधुन पाणी सोडण्याची मागणी आमदार सतीश चव्हाण आणि प्रशांत बंब यांनी धरण प्रशासनाकडे पत्राद्वारे मागणी केली आहे.

17 ऑक्टोबरला समन्यायी पाणी वाटपाबाबत बैठक होणार आहे. समन्यायी पाणी वाटपाबाबत बैठकीनंतर मराठवाड्याच्या वाट्याला येणारे पाणी तात्काळ सोडण्याची मागणी आमदार सतीश चव्हाण आणि प्रशांत बंब यांनी केली आहे.

सध्या गोदावरी नदीपात्रात पाणी असून त्यामुळे आता पाणी सोडले तर पाण्याचा अपव्यय होणार नाही. तसेच जास्तीत जास्त पाणी जायकवाडीपर्यंत पोहोचेल, असे आमदार प्रशांत बंब यांनी सांगितले आहे. तसेच गोदावरी मराठवाडा पाटबंधारे विकास महामंडळाकडे आमदार सतीश चव्हाण, प्रशांत बंब यांनी पत्र पाठवून अहमदनगर आणि नाशिक जिल्ह्यांतील धरणांमधून पाणी सोडण्याची मागणी केली आहे.

English Summary: MLA Satish Chavan Prashant Bamb letter to Godavari Marathwada Irrigation Development Corporation Published on: 16 October 2023, 12:18 IST

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)