पणन महासंघाला माहिती तंत्रज्ञानाद्वारे अधिक सक्षम करणे गरजेचे

26 September 2018 06:48 PM


मुंबई:
महाराष्ट्र राज्य सहकारी पणन महासंघ ही खरेदी विक्री संघ व पणन संस्थांची शिखर संस्था आहे. हमीभावाने भरड धान्य व धानाची खरेदी मोठ्या प्रमाणात होत असते. राज्याच्या समृद्धीसाठी पणन महासंघाला माहिती तंत्रज्ञानाद्वारे अधिक सक्षम करणे गरजेचे आहे, असे पणनमंत्री सुभाष देशमुख यांनी आज येथे सांगितले.

महाराष्ट्र राज्य सहकारी पणन महासंघाच्या अधिमंडळाची 60 वी वार्षिक सभा यशवंतराव चव्हाण प्रतिष्ठान येथे झाली. यावेळी पणन राज्यमंत्री सदाभाऊ खोत, महाराष्ट्र राज्य सहकारी पणन महासंघाचे व्यवस्थापकीय संचालक डॉ. योगेश म्हसे यांच्यासह महासंघाचे पदाधिकारी उपस्थित होते.

श्री. देशमुख म्हणाले, राज्यात उत्पादन मोठ्या प्रमाणात होते. या उत्पादनाचे महाराष्ट्राच्या नावाने ब्रॅण्ड विकसित होणे गरजेचे आहे. शेतकऱ्यांना केंद्रबिंदू मानून खरेदी-विक्री संघाने कार्य केले पाहिजे. विविध कार्यकारी संस्थांनी शेतकऱ्यांना सभासद करुन घ्यावे. गाव समृद्ध झाले तर राज्य समृद्ध होत असते. त्यामुळे ग्रामीण भागातील विकासाकडे अधिक लक्ष देऊन महासंघाने कार्य करावे, असेही श्री. देशमुख यांनी यावेळी सांगितले.

श्री. म्हसे म्हणाले, फेडरेशनने या वर्षी शेतकऱ्यांना उत्पादनाचा चांगला भाव मिळावा यासाठी कृषी उत्पन्न बाजार समित्यांमध्ये प्रायोगिक तत्वावर क्लीनिंग व ग्रेडींग मशिन्स उपलब्ध करुन देण्याचा निर्णय घेतला आहे. तसेच स्वत:चे संकेतस्थळ www.mahamarkfed.org विकसित केले असून फेडरेशनमार्फत राबविण्यात येणाऱ्या विविध उपक्रमांबाबत या संकेतस्थळावर माहिती उपलब्ध असणार आहे.

महाराष्ट्र राज्य सहकारी पणन महासंघ माहिती तंत्रज्ञान हमीभाव The Maharashtra State Co-op. Marketing Federation Ltd information technology minimum support price MSP धान rice धान्य cereal कृषी उत्पन्न बाजार समिती apmc
English Summary: Marketing Federation needs to be more competent with information technology

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.