आज कोकणात तुरळक ठिकाणी हलक्या पावसाचा अंदाज

20 February 2021 11:34 AM By: भरत भास्कर जाधव
राज्यात राहिल कोरडे हवामान

राज्यात राहिल कोरडे हवामान

गेले चार- पाच दिवस अवकाळी पावसाने राज्यात धुमाकूळ घातला होता. पण आजपासून राज्यात कोरडे हवामान राहणार आहे. आज शनिवारी तुरळक ठिकाणी हवामान निरभ्र राहणार असले, तरी रत्नागिरी, सिंधुदुर्ग, सातारा, कोल्हापूर, नांदेड, लातूर, उस्नाबाद, या जिल्ह्यात काही अंशी ढगाळ वातावरण राहील.

अवकाळी पाऊस पडून गेल्याने वातावरण काही प्रमाणात गारवा असल्याने थंडीत वाढ होण्याची शक्यता हवामान विभागाच्या सूत्रांनी वर्तवली आहे.
कमी दाबाचे पट्टे क्षीण होत असल्याने रविवारपासून (२१ फेब्रुवारी) राज्यावरील पावसाळी सावट दूर होण्याची शक्यता आहे. दरम्यान शनिवारी (२० फेब्रुवारी) मराठवाडा, मध्य महाराष्ट्र आणि कोकणात तुरळक ठिकाणी हलक्या पावसाचा अंदाज हवामान विभागाकडून व्यक्त करण्यात आला आहे.

 

शुक्रवारी मराठवाडा आणि मध्य महाराष्ट्रात काही ठिकाणी हलक्या पावसाने हजेरी लावली.समुद्रातून येणारे बाष्प आणि दक्षिण मध्य महाराष्ट्रापासून विदर्भापर्यंत निर्माण झालेल्या कमी दाबाच्या पट्टय़ामुळे राज्यात तीन दिवसांपासून पावसाळी वातावरण निर्माण झाले आहे. हवामान विभागाच्या अंदाजानुसार २० फेब्रुवारीला कोकण, मध्य महाराष्ट्र आणि मराठवाडय़ात काही ठिकाणी हलका पाऊस पडणार आहे. विदर्भात हवामान कोरडे राहील. २१ फेब्रुवारीपासून राज्यात सर्वत्र कोरडय़ा हवामानाची स्थिती राहील.

मुंबई परिसरात शिडकावा
सलग दुसऱ्या दिवशी मुंबई आणि नवी मुंबई परिसरांत काही ठिकाणी पावसाचा शिडकावा झाला. नवी मुंबईत बेलापूर, पावणे औद्योगिक वसाहत आणि मुंब्रा येथे अर्धा ते एक मिमी पावसाची नोंद झाली. रात्री ९च्या दरम्यान मंत्रालय, सीएसएमटी परिसरात हलका पाऊस झाला.

forecast weather forecast konkan Light rain हलक्या पावसाचा अंदाज हवामान अंदाज
English Summary: Light rain forecast in sparse places in Konkan today

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.