Parbhani : परभणी जिल्ह्यात मुसळधार पावसाची हजेरी, नदीबंधारे तुडूंब

Parbhani News

राज्यात 26 नोव्हेंबर पासून अनेक जिल्ह्यांमध्ये अवकाळी पावसाने हजेरी लावली. अनेक जिल्ह्यांमध्ये वादळी वाऱ्यांसह गारपिटीचा पाऊस झाल्याने पिकांचे मोठ्या प्रमाणात नुकसान झाले आहे. मात्र परभणी जिल्ह्यात २७ नोव्हेंबर रोजी पहाटेच्या सुमारास वादळीवाऱ्यांसह मुसळधार अवकाळी पाऊस कोसळला होता. त्यामुळे परभणी जिल्ह्यातील पाऊसाने काही ठिकाणी नदी नाल्यांना पुरही आले आहेत.

परभणी जिल्ह्यात २७ नोव्हेंबर रोजी पहाटेच्या सुमारास वादळीवा-यास मुसळधार अवकाळी पाऊस कोसळला होता.या पाऊसाने काही ठिकाणी नदी नाल्यांना पुरही आले.हा अवकाळी पाऊस पडून सहा दिवस उलटून जात असतानाही ज्या भागात पाऊस झाला त्या ठिकाणच्या नदीवरील बंधारे पाण्याने अजूनही ओव्हरफ्लो झाल्याचे पहायला मिळत आहे.

या मुसळधार पावसामुळे राज्यातील अनेक जिल्ह्यांमधील पिके जमीनदोस्त झाली आहेत. परभणी, छत्रपती संभाजीनगर, पुणे, अहमदनगर, नंदुरबार, वाशिम, नाशिक, नांदेड जिल्ह्यात अवकाळी पावसानं मोठं नुकसान केलं आहे. पोल्ट्री फार्म, शेततळे, वाहने, शेड, तसेच घरांचेही मोठे नुकसान झाले आहे. मात्र येणाऱ्या हंगामासाठी परभणी जिल्ह्यांतील नदी नाल्यांमध्ये मुबलक प्रमाणात पाणीसाठा उपलब्ध झाला आहे. त्यामुळे या हंगामात झालेले नुकसान येणाऱ्या हंगामात भरून काढण्यासाठी शेतकऱ्यांना या पाण्याचा फायदा होणार आहे.