विदर्भात जोरदार पावसाचा अंदाज, तर कोकणात ऑरेंज अलर्ट

29 August 2020 08:25 AM By: भरत भास्कर जाधव


मुंबई, ठाणे आणि रायगड परिसरात शुक्रवारी सकाळपासून पावसाने जोर धरला होता. कोकणातही पाऊस पडत असून आज संपूर्ण कोकणात ऑरेंज अलर्ट देण्यात आला आहे. दरम्यान गोव्यासह कोकण, मध्य महाराष्ट्र, विदर्भ येथे २९ ऑगस्ट रोजी मुसळधार पाऊस पडेल. छत्तीसगडचा उत्तर भाग आणि मध्य प्रदेशच्या पूर्व भागात कमी दाबाचे क्षेत्र सक्रिय आहे. त्याचा परिणाम राज्यातील वातावरणावर झापला आहे. राज्यातील अनेक भागात पावसासाठी पोषक वातावरण तयार झाले आहे.

आज राज्यातील अनेक भागात हलका ते मध्यम तर विदर्भात जोरदार पाऊस पडेल. उद्यापासून राज्यात पावसाची काहीशी उघडीप राहील असा अंदाज हवामान विभागाने वर्तवला आहे. छत्तीसगड आणि मध्यप्रदेशच्या परिसरात असलेले कमी दाबाचे क्षेत्र हे समुद्रसपाटीपासून ७.६ किलोमीटर उंचीवर आहे. तसेच बंगालच्या उपसागराचा उत्तर भाग ते गंगानगर दरम्यान मॉन्सूनची आस असलेलवा पट्टा सक्रिय आहे. याशिवाय दक्षिण उत्तर रायलसीमा ते दक्षिण तामिळनाडू दरम्यान कमी दाबाचा पट्टा सक्रिय असून तो समुद्रसपाटीपासून ९०० मीटर उंचीवर आहे.

हा पट्टा तामिळनाडू ते कोमोरिन परिसराकडे काही प्रमाणात सरकण्याची शक्यता आहे. त्यामुळे महाराष्ट्रासह, छत्तीसगड व मध्य प्रदेशातील काही भागात पाऊस होत असल्याचे हवामान विभागाने सांगितले आहे. दरम्यान ३० ऑगस्ट रोजी गोव्यासह कोकणात मुसळधार ते अतिमुसळधार पाऊस पडेल. अरबी समुद्रात ताशी ५५ किमी. वेगाने वारे वाहतील. मच्छीमारांनी समुद्रात उतरु नये, असे आवाहन हवामान खात्याने केले आहे.

ऑरेंज अलर्ट konkan Orange alert vidarbha Heavy rains forecast विदर्भ जोरदार पावसाचा अंदाज मुसळधार पाऊस मध्य महाराष्ट्र हवामान विभाग India Meteorological Department
English Summary: Heavy rains forecast in Vidarbha, Orange alert in Konkan

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.