राज्यावर पाऊस अन् गारपिटीचे सावट ; १० जिल्ह्यांत वादळी वाऱ्याची शक्यता

Sunday, 19 April 2020 11:38 AM


राज्यावर निर्माण झालेला कमी दाबाचा पट्टा आणि अरबी समुद्र तसेच बंगालच्या उपसागराकडून होणारा बाष्पाचा पुरवठा यामुळे राज्यात १९ ते २१ एप्रिलपर्यंत पावसाची शक्यता आहे.  रविवारी राज्यात वादळी वारे वाहण्याची शक्यता कुलाबा वेधशाळेने वर्तवली आहे.  मध्य महाराष्ट्र आणि मराठवाड्यातील दहा जिल्ह्यांना या वाऱ्याचा फटका बसू शकतो.  दरम्यान, राज्यातील काही भागात उन्हाचा तडाखा वाढला आहे.  शनिवारी सकाळपर्यंतच्या २४ तासांमध्ये विदर्भातील अकोला येथे राज्यातील उच्चांकी ४३.८ अंश सेल्सिअस तापमानाची नोंद झाली.

शनिवारी अकोला येथे राज्यातील सर्वाधिक ४३.८ अंश सेल्सियस तापमानाची नोंद झाली.  दरम्यान आज उद्या आणि परवा राज्यात तुरळक ठिकाणी वादळी पावसाचा अंदाज असून मध्य महाराष्ट्र, मराठवाड्यात गारपीट होण्याची शक्यता आहे. कोकणात हलक्या पावसाचा अंदाज हवामान विभागाने वर्तवला आहे. कुलाबा वेधशाळेनुसार, राज्यातील मध्य महाराष्ट्र व मराठवाड्यातील काही जिल्ह्यांना फटका बसण्याची शक्यता आहे. कोल्हापूर, सांगली, सातारा, सोलापूर, नांदेड, बीड, लातूर, उस्मानाबाद, परभणी आणि हिंगोली या जिल्ह्यांत वादळी वारे वाहण्याची शक्यता ५१ ते ७५% आहे. या जिल्ह्यांत वाऱ्याचा वेग ताशी ३० ते ४० किमीपर्यंत राहील, असे वेधशाळेने म्हटले आहे. गारपिटीचीही शक्यता आहे.

कुलाबा वेधशाळा हवामान विभाग वादळी वाऱ्यासह पावसाची शक्यता राज्यात गारपिटीची शक्यता IMD wheather kulaba Colaba Observatory meteorological observatory
English Summary: hail storm and rain possibilities on state , storm wind come in 10 district

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय





Krishi Jagran and  Helo App Monsoon Update


CopyRight - 2020 Krishi Jagran Media Group. All Rights Reserved.