सरकारची नवी योजना; 'या' दोन पोर्टलच्या माध्यमातून मिळेल रेशनकार्डची माहिती

रेशन कार्डच्या माध्यमातून भारताच्या नागरिकांना स्वस्त दरात अन्नधान्य दिले जाते. या कोरोनासारख्या संकटात राज्यातील ६ कोटी रेशनकार्डधारकांना कमी दरात अन्नधान्य मिळाले आहे. हे रेशनकार्ड राज्य सरकारकडून दिले जाते. या कार्डच्या उपयोग फक्त अन्नधान्य घेण्याशिवाय अनेक शासकीय कामांसाठी केला जातो. रेशन कार्डमार्फत मिळणाऱ्या सुविधांची माहिती बऱ्याच लोकांना नसते. नागरिकांच्या मनात नेहमी याविषयी अनेक प्रश्न असतात. या समस्या दूर करण्यासाठी सरकारने आता दोन पोर्टल तयार केले आहेत. यामार्फत आपण आपली कोणतीही रेशन कार्डसंबंधित समस्येचे निरसन होणार आहे. या दोन पोर्टलमधील पहिल्या पोर्टलचे नाव आहे, aanavitran.nic.in (अन्नवितरण) us हे आहे. दुसऱ्या पोर्टलचे नाव आहे, इंटिग्रेटेड मॅनेजमेंट ऑफ पब्लिक डिस्ट्रब्युशन सिस्टम (IM-PDS) पोर्टल हे आहे.

IM-PDS कार्ड इंटर -स्टेट पोर्टेबिलिटसाठी तांत्रिक व्यासपीठाची व्यवस्था करते.  याचा फायदा प्रवाशी मजदुरांना होतो. जेणेकरून प्रवाशी मजदूर देशातील कोणत्याही स्वस्त धान्य दुकानातून राशन घेऊ शकतील.  तर अन्नवितरण एक राज्यातील ई-पीओएस उपकरणांच्या मदतीने डिस्ट्रीब्यूट वितरित झालेले धान्याचा साठा केला जातो.   याच्यामार्फत एका राज्यात असलेल्या मजदुरांना आपल्या जिल्ह्याशिवाय आपल्या राज्यातील इतर कोणत्याही जिल्ह्यात राशन मिळू शकते. जर आपण रेशन कार्डसाठी अर्ज करू इच्छित आहात तर आपल्याला राज्य सरकारच्या अन्न आणि पुरवठा विभागाच्या पोर्टलवर जावे लागेल.  या पोर्टेलवरून आपल्याला रेशन कार्ड अर्ज डाऊनलोड करावा लागेल.  भरलेला अर्ज हा आपल्या जवळील स्वस्त धान्य दुकानदाराकडे द्यावा लागेल.  ग्रामीण क्षेत्राताली लोक हा अर्ज तहसील कार्यालयात जमा करु शकतील. या पोर्टलवर रेशन कार्डविषयी मिळणाऱ्या सुविधांची माहिती अपडेट केली जाते.

जर आपल्याला रेशन कार्ड बनवायचे असेल आपण राज्य सरकराच्या पोर्टलवर जाऊन तेथे रेशन कार्डसाठी अर्ज करु शकता.  जर आपल्याला नवे रेशन कार्ड हवे असेल तर mahafood.gov.in या संकेतस्थळावर जाऊन अर्ज करावा.  या संकेतस्थळावरुन आपण आपली तक्रारही दाखल करु शकता.

आवश्यक कागदपत्रे

• तलाठी रहिवासी दाखला व उत्पन्नाचा दाखला
• लाइट बिल, घरफाळा पावती
• घरमालकाचे संमतीपत्र
• १० रुपयाचा कोर्ट फी स्टॅम्प
• प्रतिज्ञापत्र (अॅफिडेव्हीट)
• धान्य दुकानदाराचे पत्र
• आधार कार्ड झेरॉक्स
• बँक पासबुक झेरॉक्स व महिलेचे दोन फोटो

नवीन रेशनकार्ड कोणाला मिळते आणि कागदपत्रे -

जर आपल्याला ई- महासेवा केंद्रातूनही आपण रेशन कार्डसाठी अर्ज करु शकता. यासाठी आपण https://www.mahaonline.gov.in/ या संकेतस्थळावर जाऊन अर्ज डाऊनलोड करा.

बाहेरगावाहून आलेले असल्यास : बाहेरगावाहून आलेले असल्यास त्याठिकाणच्या संबंक्षित सक्षम अधिकाऱ्याचा (तहसिलदार) स्थलांतराचा दाखला, रेशनकार्ड मूळप्रत.

ज्यांचे रेशनकार्ड कोठेच नाही : रेशनकार्डमध्ये कोठेच नाव नसल्याबाबत प्रतिज्ञापत्र, तलाठ्याचा रहिवासी दाखला, उत्पन्नाचा दाखला, लाइटबिल, भाडेकरू असल्यास घरमालकाचे संमतीपत्र, आधार कार्ड झेरॉक्स, बँक पासबुक व ज्या महिलेच्या नावाने कार्ड काढावयाचे आहे त्यांचे दोन फोटो. विभक्त कुटुंब असेल तर : वरील कागदपत्रांशिवाय विभक्त राहत असल्याचा सरकारी पुरावा उदा. लाइटबिल, घरफळा पावती, ग्रामपंचायत असेसमेंट उतारा यापैकी एक पुरावा. विभक्त राहत असल्याचे प्रतिज्ञापत्र वडिलांनी किंवा घरातील ज्येष्ठ व्यक्तीने लिहून दिलेले असावे.