आजपासून हमीभावाने उडीदाची खरेदी तर सोयाबीन नोंदणीला सुरुवात

01 October 2020 08:22 AM By: भरत भास्कर जाधव


हंगाम २०२०-२१ मधील किमान आधारभूत किंमत योजनेंतर्गत हमीभावाने उडीदची खरेदीला आणि सोयाबीन खरेदीची नोंदणीला आजपासून सुरुवात होणार आहे. याविषयीची माहिती पणनमंत्री बाळासाहेब पाटील यांनी दिली. केंद्र शासनाने उडीदासाठी हमीभाव प्रति क्किंटल ६ हजार रुपये जाहीर करणयात आला आहे. चालू हंगामात उडीद आणि सोयाबीनची आवक बाजारात सुरू झाली आहे.

बाजारभाव हमीभावापेक्षा कमी असल्याने शेतकऱ्यांचे नुकसान होऊ नये, यासाठी खरेदी केंद्र सुरु करण्यात येत आहेत. खरेदी केंद्रावर होणारी गर्दी टाळण्यासाठी १५ सप्टेंबर २०२० पासून नोंदणी प्रक्रिया सुरू झाली आहे. नोंदणी झालेल्या शेतकऱ्यांना नोंदणीच्या क्रमवारीनुसार उडीद केंद्रावर आणण्यासाठी एसएमएसद्वारे कळविणयात येईल. ज्या केंद्रावर नोंदणी केली आहे त्याच केंद्रावर एसएमस आल्यानंतरच शेतकऱ्यांनी शेतमाल घेऊन यावा. सर्व खरेदी ऑनलाईन पद्घतीने होणार आहे. शेतकऱ्यांनी आप आपल्या तालुक्यातील खरेदी केंद्रावर नोंदणी करावी. नोंदणीकरीत आधारकार्डाची छायांकित प्रत आणि पिकाची नोंद असलेला सातबारा उतारा सादर करावा. तसेच शेतकऱ्यांनी मोबाईल नंबर खरेदी केंद्रावर नोंदवावा.

 


दरम्यान केंद्र सरकारकडे हमीभावाने उडीद खरेदीच्या मान्यतेचा प्रस्ताव ३१ ऑगस्ट २०२० ला पाठविण्यात आला होता. त्या प्रस्तावाला मान्यता मिळाली आहे, तर सोयाबीन हमीभावाने खरेदी करण्यात यावा याचा प्रस्ताव केंद्राकडे १८ सप्टेंबर २०२० ला पाठविण्यात आला होता. असेही पाटील यांनी सांगितले. दरम्यान केंद्रा सरकारने प्रति क्किंटल सोयाबीनसाठी हमीभाव हा ३ हजार ८८० रुपये असा जाहीर केला आहे. बाजार भाव हमीभावापेक्षा कमी असल्याने शेतकऱ्यांचे नुकसान होऊ नये यासाठी खरेदी केंद्र लवकरच सुरू करण्यात येणार आहेत. खरेदी केद्रावर होणारी गर्दी टाळण्यासाठी १ ऑक्टोबर २०२० पासून नोंदणी प्रक्रिया सुरू होत आहे.

guaranteed purchase हमीभाव soybean registration सोयाबीन नोंदणी उडीद खरेदी पणनमंत्री बाळासाहेब पाटील Marketing Minister Balasaheb Patil
English Summary: From today, guaranteed purchase of urad and registration of soybean

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.