146 ग्रामपंचायतींसाठी 23 जून रोजी मतदान

21 May 2019 07:37 AM


मुंबई: 
राज्यातील विविध 20 जिल्ह्यांमधील 146 ग्रामपंचायतींच्या सार्वत्रिक; तसेच 62 ग्रामपंचायतींच्या थेट सरपंचपदांच्या आणि विविध ग्रामपंचायतींमधील 6 हजार 719 सदस्यपदांच्या रिक्त जागांच्या पोटनिवडणुकांसाठी 23 जून 2019 रोजी मतदान होणार आहे. त्यासाठी संबंधित ठिकाणी आचारसंहिता लागू झाली आहे, अशी माहिती राज्य निवडणूक आयुक्त ज. स. सहारिया यांनी येथे दिली.

श्री. सहारिया यांनी सांगितले की, जुलै 2019 ते सप्टेंबर 2019 या कालावधीत मुदत संपणाऱ्या ग्रामपंचायतींच्या या सार्वत्रिक निवडणुका होत आहेत. सार्वत्रिकसह सर्व निवडणुकांसाठी नामनिर्देशनपत्रे 31 मे 2019 ते 6 जून 2019 या कालावधीत स्वीकारले जातील. 2  5 जून 2019 या दोन सुट्टीच्या दिवशी नामनिर्देशनपत्रे स्वीकारली जाणार नाही. नामनिर्देशनपत्रांची छाननी 7 जून 2019 रोजी होईल.

नामनिर्देशनपत्रे 10 जून 2019 पर्यंत मागे घेता येतील. त्याच दिवशी निवडणूक चिन्ह वाटप होईल. मतदान 23 जून 2019 रोजी सकाळी 7.30 ते सायंकाळी 5.30 या वेळेत होईल. मात्र गडचिरोली जिल्ह्यातील ग्रामपंचायतींसाठी सकाळी 7.30 पासून दुपारी केवळ 3.00 पर्यंतच मतदानाची वेळ असेल. सर्व ठिकाणी मतमोजणी 24 जून 2019 रोजी होईल.

सार्वत्रिक निवडणूक होणाऱ्या ग्रामपंचायतींची जिल्हानिहाय संख्या:

  • पालघर- 7
  • रायगड- 8
  • रत्नागिरी- 1
  • नाशिक- 74
  • धुळे- 1
  • जळगाव- 1 
  • अहमदनगर- 10
  • पुणे-3 
  • सातारा- 3 
  • सांगली- 1
  • कोल्हापूर- 1
  • उस्मानाबाद- 1
  • लातूर- 2
  • नांदेड- 1
  • अकोला- 1
  • यवतमाळ- 3
  • वाशिम- 1 
  • बुलढाणा- 1
  • वर्धा- 4
  • चंद्रपूर- 22
  • एकूण- 146.

पोटनिवडणूक होणाऱ्या सरपंचपदांच्या जिल्हानिहाय रिक्त जागा:

  • ठाणे-1
  • पालघर- 2
  • रायगड- 10
  • रत्नागिरी- 5
  • सिंधुदुर्ग- 1 
  • नाशिक- 3 
  • अहमदनगर- 1
  • नंदुरबार- 2
  • पुणे- 3 
  • सोलापूर- 1
  • सातारा- 6
  • औरंगाबाद- 4 
  • नांदेड- 8
  • उस्मानाबाद- 2 
  • परभणी- 1
  • वाशिम- 5
  • बुलढाणा- 1
  • चंद्रपूर- 1 
  • भंडारा- 5
  • एकूण- 62.

 

ज. स. सहारिया J S Sahariya Gram Panchayats ग्रामपंचायत Election निवडणूक राज्य निवडणूक आयोग Maharashtra State Election Commission
English Summary: Election for 146 Gram Panchayats on 23rd June

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.