पावसासाठी पोषक वातावरण ; गुरुवारपर्यत पाऊस होण्याची शक्यता

21 March 2021 02:43 PM By: भरत भास्कर जाधव
गुरुवारपर्यंत पाऊसाची शक्यता

गुरुवारपर्यंत पाऊसाची शक्यता


गेल्या दोन ते तीन दिवसांपासून पूर्वमोसी पाऊस पडत आहे. काही ठिकाणी गारपीठ, मेघगर्जना व विजांच्या कटकडासह पाऊस होत आहे. विदर्भ, मराठवाडा आणि मध्य महाराष्ट्रास कोकणातही गुरुवारपर्यंत ही स्थिती कायम राहणार असून अनेक ठिकाणी पाऊस पडणार असल्याचा अंदाज हवामान विभागाने सांगितले.

राज्यातील मागील चार ते पाच दिवसांपासून ढगाळ वातावरण आहे. यामुळे उकाड्यात वाढ झाली असली तरी कमाल तापमानात काही अंशी घट झाली आहे. तुरळक ठिकाणी कमाल तापमान सरासरीच्या तुलनेत अधिक आहे. यामुळे अनेक ठिकाणी पहाटेचा गारठा कमी झाला असल्याने कमाल तापमानासह, किमान तापमानातही किंचित घट झाली आहे.

 

येत्या तीन ते चार दिवस राज्यातील अनेक भागात अंशत ढगाळ वातावरण राहणार असून महाराष्ट्र, मराठवाडा व विदर्भात तुरळक ठिकाणी मेघर्गजनेसह अवकाळी पाऊस होईल. विदर्भ व परिसर आणि मध्यप्रदेश या भागात चक्रिय वाऱ्याची स्थिती समुद्रसपाटीपासून ९०० मीटर उंचीवर आहे. तर कर्नाटकाची किनारपट्टी ते मराठवाडा, कर्नाटक, दक्षिण मध्य महाराष्ट्र या भागात कमी दाबाचे क्षेत्र आहे. ही स्थिती समुद्रसपाटीपासून दीड किलोमीटर उंचीवर आहे. तसेच राजस्थानचा नैत्रत्य भाग ते अरबी समुद्राचा ईशान्य भाग, सौराष्ट्र आणि कच्छ भागात कमी दाबाचे क्षेत्र सक्रिय आहे.

यामुळे राज्यात पावासासाठी पोषक वातावरण तयार होत आहे. राज्यातील अनेक भागात कमी-अधिक प्रमाणात ढगाळ वातावरण आहे, यामुळे शनिवारी सकाळी आठ वाजेपर्यंतच्या २४ तासात बीड येथे ३८.२ अंश सेल्सिअसची सर्वाधिक कमाल तापमानाची नोंद झाली आहे.

weather department unseasonal rain अवकाळी पाऊस हवामान विभाग
English Summary: Chance of rain until Thursday

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.