आज आणि उद्या जोरदार पाऊस होण्याची शक्यता

15 August 2020 11:10 AM By: भरत भास्कर जाधव


तीन चार दिवसांपासून गुजरातच्या दक्षिण चक्राकार वाऱ्यांची स्थिती कायम आहे. ही स्थिती अजून दोन ते तीन दिवस राहण्याची शक्यता आहे. बुधवारपर्यंत राज्यात सर्वदूर पावसाची शक्यता आहे. दरम्यान आज आणि उद्या जोरदार पाऊस पडण्याची शक्यता हवामान विभाागाने वर्तवली आहे.

उत्तर भारतात असलेला मॉन्सूनचा पट्टा जैसलमेर, जयपूर, ग्वाल्हेर, सिद्दी, दाल्तोगंज, जमशेदपूर ते उत्तर ओडिशा आणि पश्चिम बंगालपर्यंत कार्यरत आहे. ही स्थिती समुद्रसपाटीपासून ९०० मीटर उंचीवर आहे. यामुळे राज्यात पावसाचा जोर कायम असून अनेक ठिकाणी पावसाची संतसधार सुरू आहे. आज कोकणातील काही ठिकाणी मुसळधार पाऊस पडेल. मध्य महाराष्ट्राच्या घाटमाथ्यावरील काही ठिकाणी जोरदार पाऊस पडण्याची शक्यता आहे. मराठवाडा व विदर्भातही तुरळक ठिकाणी मुसळधार पाऊस पडण्याची शक्यता आहे. तर कोकण किनारपट्टीवर सोसाट्याचा वारा वाहण्याची शक्यता आहे.

उद्या कोकण, मध्य महाराष्ट्रात जोरदार तर विदर्भात व मराठवाड्यात तुरळक ठिकाणी मुसळधार पाऊस पडण्याची शक्यता आहे.
उत्तर ओडिशा आणि पश्चिम बंगाल यादरम्यान कमी दाबाचे क्षेत्र आहे. या क्षेत्राचे चक्राकार वाऱ्यांमध्ये रुपांतर होण्याची शक्यता आहे. ही स्थिती समुद्रसपाटीपासून ७.६ किलोमीटर उंचीवर आहे. तसेच हरियाणाच्या दक्षिण भागातही चक्राकार वाऱ्याची स्थिती आहे. दरम्यान गेल्या दिवसापासून राज्यातील बहुतांशी भागात पावसाचा जोर वाढला आहे. काही भागात पावसाची संततधार सुरू आहे. शुक्रवारी सकाळी आठवाजेपर्यंत साताऱ्यातील महाबळेश्वर येते सर्वाधिक १६९.९ मिलीमीटर पावसाची नोंद झाली आहे. धरणातील पाणीपातळीत वाढ होत आहे.

Chance of heavy rain konkan Marathwada central maharashtra Monsoon monsoon rain मॉन्सून मॉन्सून पाऊस कोकण मध्य महाराष्ट्र मराठावाडा जोरदार पाऊस हवामान विभाग weather department
English Summary: Chance of heavy rain today and tomorrow

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.