अतिवृष्टीचा परिणाम ; कमी भाव मिळत असल्याने केळी उत्पादक चिंतेत

29 October 2020 03:40 PM By: भरत भास्कर जाधव


चांगल्या पावसामुळे यंदा खरीप हंगाम बहरला. परंतु सप्टेंबर महिन्यातील अतिवृष्टी आणि ऑक्टोबरमधील परतीच्या पावसामुळे मूग, उडीद, सोयाबीन, कापूस, हे नगदी पीक गेले. त्यातच बागायती पिकालाही मोठा फटका बसला आहे.  राज्यातील केळी उत्पादक पडलेल्या भावामुळे चिंतेत आले आहेत. राज्यात जळगावनंतर नांदेडमध्ये सर्वाधिक केळीचे उत्पन्न घेतले जाते. जिल्ह्यातील अर्धापूर, मुदखेड, भोकर, नांदेड तालुक्यासह परिसराला केळी उत्पादनाचे माहेरघर समजले जाते. त्यामुळे या भागात ऊसानंतर शेतकरी केली पिकांची लागवड करत असतात.

रात्रदिवस कष्ट करुन लाखो रुपये खर्च करुन केळीचे मोठ्या  प्रमाणात उत्पन्न घेतले जाते. मात्र, केळी काढणीला सुरुवात झाल्यापासून दरात घसरण होत आहे. मार्च महिन्यात कोरोनामुळे संपूर्ण केळीला ३०० ते ४०० रुपये प्रति क्विंटल दर मिळत होता. त्यानंतर दरात अजून सुधारणा झाली. मात्र, त्यानंतर पुन्हा केळीच्या दरात घट झाली. केळीला सध्या ५०० ते ६०० रुपये दर मिळत आहे. दरवर्षी  नवरात्रो उत्सवाच्या काळात केळीच्या दरात वाढ होत असते. मात्र, यंदा केळीच्या दराने निच्चांक गाठला आहे. व्यापारी कोरोनाचे निमित्त साधून केळी ही अत्यंत कमी दरात घेत आहे.

जिल्ह्यातील केळी प्रामुख्याने दिल्ली, चंदीगड, हरियाणा, मथुरासह अनेक ठिकाणी  विक्रीसाठी पाठवली जाते. त्याचबरोबर विदेशातही अर्धापूरच्या केळीची चव घेतली जाते. अतिवृष्टीमुळे केळीला रोगाची लागण झाल्याने केळी पिकण्यास सुरुवात झाली आहे. केळीचे घड झाडावरच असल्याने  शेतकरी हवालदिल झाले आहेत. तसेच व्यापारी केळीची खरेदी  करीत नसल्याने लाखो रुपयांचा खर्च करुन  शेतकऱ्यांच्या पदरात काही पडत नाही. यंदा केळी शेताच्या बाहेर काढणेसुद्धा शेतकऱ्यांना परवडत नाही. व्यापारी मनभाव केळी खरेदी करत आहेत.

 

केळी उत्पादक शेतकरी Banana growers नांदेड nanded
English Summary: Banana growers worried due to low prices

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.