PM मोदींनी पदभार स्वीकारताच शेतकऱ्यांना दिलं मोठं गिफ्ट

Agriculture News

पंतप्रधान नरेंद्र मोदी यांनी काल म्हणजेच रविवारी संपूर्ण मंत्रिमंडळासह सलग तिसऱ्यांदा पंतप्रधानपदाची शपथ घेतली. पंतप्रधानपदाची शपथ घेतल्यानंतर सुमारे 16 तासांनी या कार्यकाळातील पहिल्या फाइलवर स्वाक्षरी केली. या काळात पंतप्रधान मोदींनी देशातील शेतकऱ्यांशी संबंधित अनेक महत्त्वाचे निर्णय घेतले आहेत. पंतप्रधान मोदींनी पदभार स्वीकारताच सर्वप्रथम त्यांनी पंतप्रधान किसान योजनेच्या 17 व्या हप्त्याच्या फाईलवर आपली स्वाक्षरी केली.

पीएम मोदींनी शेतकऱ्यांसाठी मोठी गोष्ट सांगितली

PM किसान योजनेच्या 17 व्या हप्त्यांतर्गत देशातील सुमारे 9.3 कोटी शेतकऱ्यांना त्याचा लाभ मिळणार आहे. तसेच या योजनेअंतर्गत सुमारे 20 हजार कोटी रुपयांचे वाटप करण्यात येणार आहे. पहिल्या फाईलवर स्वाक्षरी केल्यानंतर पंतप्रधान मोदी म्हणाले की, सरकार शेतकऱ्यांना आर्थिक मदत करण्यासाठी पूर्णपणे समर्पित आहे. या कारणास्तव, पंतप्रधानांनी स्वाक्षरी केलेली पहिली फाईल शेतकऱ्यांच्या कल्याणाशी संबंधित आहे. आगामी काळात शेतकऱ्यांसाठी आणखी योजनांवर काम करू आणि कृषी क्षेत्राचा विस्तार करू, असेही ते म्हणाले.

याशिवाय लखपती दीदींची संख्या ३ कोटींपर्यंत वाढवणे, पीएम सूर्य घर मोफत वीज योजनेचा लाभ देणे आणि शेतकऱ्यांसाठी तेलबिया आणि डाळींवरही लक्ष केंद्रित केले जाईल, असे पंतप्रधान मोदी म्हणाले.

तिसऱ्यांदा पंतप्रधानपदाची शपथ

नरेंद्र मोदी यांनी रविवारी 9 जून रोजी संध्याकाळी सलग तिसऱ्यांदा पंतप्रधानपदाची शपथ घेतली. असे करणारे ते जवाहरलाल नेहरूंनंतरचे दुसरे पंतप्रधान ठरले आहेत. मोदींन नंतर राजनाथ सिंह, अमित शहा, नितीन गडकरी, जेपी नड्डा आणि शिवराज सिंह चौहान यांनी शपथ घेतली. मोदींसह 72 मंत्र्यांनी शपथ घेतली आहे.

यामध्ये 30 कॅबिनेट मंत्री, 5 स्वतंत्र प्रभारी मंत्री आणि 36 राज्यमंत्री करण्यात आले. राष्ट्रपती भवनात झालेल्या या सोहळ्याला 7 देशांच्या नेत्यांशिवाय देशातील सिनेतारकांनीही हजेरी लावली होती. यामध्ये अक्षय कुमार, शाहरुख खान, विक्रांत मॅसी आणि राजकुमार हिरानी यांचा समावेश होता. रिलायन्स समुहाचे अध्यक्ष मुकेश अंबानीही उपस्थित होते.