जिल्ह्यात सव्वा सहा हजार मेट्रीक टन युरिया होणार उपलब्ध

20 July 2020 07:27 PM By: भरत भास्कर जाधव


अमरावती :  राज्यातील अनेक जिल्ह्यात खतांचा तुटवडा जाणवत आहे. पीकांच्या वाढीसाठी युरिया हे खत पिकांना दिले जाते, पण गेल्या काही दिवसांपासून शेतकऱ्यांना खते मिळत नाहीत.  यामुळे शेतकरी वर्गात नाराजी दिसून येत आहे, दरम्यान प्रत्येक जिल्ह्यातील कृषी विभाग याची दखल घेत असून पुरेसा खत पुरवठा जिल्ह्यात करत आहे. दरम्यान अमरावती जिल्ह्यातही युरियाची टंचाई झाली होती. युरियाची पुर्तता व्हावी यासाठी राज्याच्या महिला व बालविकासमंत्री तथा जिल्ह्याच्या पालकमंत्री ॲड यशोमती ठाकूर यांनी प्रयत्न केले.

यशोमती ठाकूर यांनी केलेल्या पाठपुराव्याला यश मिळाले आहे. इफको, आरसीएफ आदी विविध कंपन्यांमार्फत युरिया बडनेरा, धामणगाव रेल्वे येथील रेल्वे रेक पॉईंटवर पोहचला आहे. पुढील आठ दिवसात विविध कंपन्यांच्या सहा हजार 350 मेट्रीक टन युरियाचा पुरवठा सर्व तालुक्यात केला जाणार आहे.  आरसीएफमार्फत एक हजार 300 मेट्रीक टन युरिया बडनेरा येथे पोहचला असून इफकोमार्फत एक हजार 550 मेट्रीक टन युरिया धामणगाव रेल्वे येथे उद्या पोहचत आहे. युरियाचे जिल्ह्यात सर्वदूर गतीने वितरण होण्यासाठी कृषी विभागाने काटेकोर नियोजन करुन सगळीकडे युरिया उपलब्ध ठेवण्यासाठी प्रयत्न करावे, असे निर्देश पालकमंत्री श्रीमती ठाकूर यांनी दिले आहेत.

रासायनिक खतांची विक्री इलेक्ट्रॉनिक मशिनद्वारे करणे बंधनकारक असून शेतकरी बांधवांनी कापूस, ज्वारी, मका व फळबागांच्या क्षेत्रानुसार आवश्यक युरियाची खरेदी करताना पीक पेरा क्षेत्र व आधार कार्ड सोबत ठेवावे. तसेच पीओएस मशीन वरुन युरियाची खरेदी करावी, असे आवाहन जिल्हा कृषी अधिक्षक अधिकारी विजय चवाळे यांनी केले आहे.  जिल्ह्यात पुरेशा प्रमाणात युरिया उपलब्ध होत असल्याने कापूस, ज्वारी, मका व फळबागा यांच्या क्षेत्रानुसार आवश्यक तेवढाच युरिया खरेदी करावा व विक्री केंद्रावर अनावश्यक गर्दी टाळून आरोग्याची काळजी घ्यावी. आवश्यक दस्तऐवज सोबत ठेवावेत, असे आवाहन कृषी विभागाने केले आहे.

Amravati urea महिला व बालविकासमंत्री यशोमती ठाकूर Minister for Women and Child Development District Guardian Minister Adv Yashomati Thakur जिल्ह्याच्या पालकमंत्री ॲड यशोमती ठाकूर खत पुरवठा युरियाचा पुरवठा fertilizer supply
English Summary: A quarter of ten thousand metric tons of urea will be available in the amravati district 20

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय








CopyRight - 2021 Krishi Jagran Media Group. All Rights Reserved.