नाशिक जिल्हा बँकेला ८७० कोटीचा निधी मंजूर; लवकरच मिळणार पीक कर्ज

15 July 2020 07:08 PM By: भरत भास्कर जाधव

नाशिक जिल्ह्यातील शेतकऱ्यांसाठी एका आनंदाची बातमी आहे. नाशिक जिल्हा बँकेला ८७० कोटी रुपयांची निधी मंजूर झाला आहे. यामुळे शेतकऱ्यांना लवकरच पीक कर्ज मिळेल. 'महात्मा फुले कर्जमुक्ती' योजनेंतर्गत नाशिक जिल्हा बँकेला ८७० कोटीचा निधी मंजूर करण्यात आला असुन, हा निधी शेतकऱ्यांना पीक कर्जासाठी तात्काळ उपलब्ध करून देण्याचे निर्देश कृषी मंत्री दादाजी भुसे यांनी दिले. बँकेतून कर्ज मिळत नसल्याने शेतकऱ्यांना मोठ्या आर्थिक अडचणीला समोरे जावे लागले. परंतु आता जिल्हा बँकेला निधी झाला असून शेतकऱ्यांना लवकरच कर्ज मिळू लागतील.

दरम्यान नाशिक जिल्हा परिषदेत कर्मवीर रावसाहेब थोरात सभागृहात आयोजित कृषी व कोरोना साथरोग व इतर विभाग आढावा बैठकीत ते बोलत होते. ही बैठक सोमवारी पार पडली यावेळी मंत्री भुसे म्हणाले की, खरीप पीक हंगामासाठी सध्या पोषक वातावरण असुन शेतकऱ्यांना बियाणे, रासायनिक खते व शेती अवाजारे खरेदीसाठी वित्तीय उपलब्धता आवश्यक असते. म्हणून शेतकऱ्यांना महात्मा फुले कर्जमुक्ती योजनेंतर्गत आठवडाभरात निधी उपलब्ध करून, शेतकऱ्यांच्या पीक विमा कर्ज व इतर कर्ज खात्यावर परस्पर जमा न करता त्यांना थेट त्याचा लाभ देण्यात यावा, अशा सुचनाही त्यांनी यावेळी दिल्या.

पीककर्जाचा पुरवठा वेळेत झाल्यास जिल्ह्यातील बँकांची कामगिरी व विश्वासार्हता यातून निदर्शनास येईल, यामध्ये कोणताही गैरव्यवहार झाल्यास संबंधित बँकांवर गुन्हे दाखल करुन कडक कारवाई केली जाईल असेही त्यांनी यावेळी सांगितले.  यावेळी श्री. मंत्री भुसे यांनी पशुसंवर्धन अधिकारी यांना सध्या मेंढीवर आढळणाऱ्या लंगड्या आजाराची माहिती घेवून या रोगाचा प्रार्दूभाव रोखण्यासाठी त्वरीत उपाययोजना राबविण्यास पशुसंवर्धन विभागास सांगितले आहे.

farmer agriculture minister nashik district नाशिक जिल्हा बँक crop loan पीक कर्ज कृषी राज्य मंत्री दादाजी भुसे नाशिक
English Summary: 870 crore fund grant to nashik district bank , farmer will get crop loan immediately – agriculture minister

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय








CopyRight - 2021 Krishi Jagran Media Group. All Rights Reserved.