अपात्र असल्याचे सांगून देखील मोदींचे २ हजार रुपये राजू शेट्टी यांच्या खात्यावर, शेट्टी म्हणाले, गौडबंगाल आहे..

pm kisan yojana

शेतकऱ्यांचे जीवनमान सुधरवण्यासाठी मोदी सरकारने अनेक योजना सुरु केल्या आहेत. असे असताना यामध्ये पीएम किसान सन्मान निधी योजना देखील फायदेशीर आहे. यामध्ये शेतकऱ्यांना दोन हजार रुपये दिले जातात. मात्र याचे काही नियम आहेत. नियमात बसले तर आपल्याला याचे पैसे मिळतात मात्र अनेकांनी गैरमार्गाने हे पैसे मिळवले आहेत.

आता शेतकरी नेते माजी खासदार राजू शेट्टी यांनी आपण अपात्र असताना देखील पैसे येत असल्याची तक्रार केली आहे. फेसबुक पोस्ट करत ते म्हणाले, पीएम किसान सन्मान निधी योजनेअंतर्गत दिला जाणारा दोन हजार रुपयांचा अकरावा हप्ता 31 मे रोजी माझ्या खात्यात जमा झाला. मी लोकसभेचा माजी सदस्य असल्याने या योजनेसाठी केंद्र सरकारच्या धोरणानुसार अपात्र आहे.

असे असताना देखील हा सन्मान निधी माझ्या खात्यावर जमा होत आहे. याआधी मी स्वत: ६ हप्ते जमा झालेनंतर १२ हजार रूपयाचा धनादेश शासनास परत करून या योजनेतून मला अपात्र करणेबाबत पत्र दिले होते. तरीही आज अखेर ११ हप्ते नियमीत जमा झालेले आहेत. आज पुन्हा शिरोळ तहसिलदार सौ. अपर्णा मोरे धुमाळ यांना भेटून या योजनेतून अपात्र करणेबाबत सुचविले.

मुंबई-पुणे एक्स्प्रेसवेवर राणे कुटुंबाच्या कारला अपघात, ट्रकने दिली धडक

मी वारंवार सांगूनही माझ्या खात्यावर पैसे यायचे थांबत नाहीत आणि सर्वसामान्य शेतकऱ्यांनी अनेक हेलपाटे घातले तरीसुध्दा त्यांचे पैसे येत नाहीत , काय गौडबंगाल आहे कळत नाही, असे म्हटले आहे. अनेकदा पात्र असूनही योजनेचे पैसे मिळत नाहीत, त्यांनी अपात्र अजूनही त्यांना पैसे मिळत आहेत, यामुळे याची सध्या चर्चा सुरु आहे.

दिल्लीचा ऐतिहासिक राजपथ आता होणार 'कर्तव्यपथ', मोदी सरकार नाव बदलणार..

या योजनेत खासदार आमदार माजी खासदार तसेच सरकारी नोकरी असलेले याचा लाभ घेऊ शकत नाहीत. मात्र अनेकांच्या खात्यावर याचे पैसे येतात. काहींनी हे माहिती असून देखील लाभ घेतला आहे. आता त्यांच्याकडून वसुली करण्याचे काम सुरु आहे. मात्र राजू शेट्टी यांच्या प्रामाणिकपणाचे कौतुक केले जात आहे, ज्याला खऱ्या अर्थाने याची गरज आहे त्याला हे पैसे मिळाले पाहिजेत.

महत्वाच्या बातम्या;
पुणे जिल्ह्यातही वाढला संसर्ग! दुधाचे दर वाढले आणि लम्पीच्या संसर्गही वाढला, दुग्ध उत्पादनामध्ये झाली घट..
शेतकऱ्यांनी दाखवला पीक विमा कंपनीला हिसका! पीक विमा भरपाई देण्याचे सर्वोच्च न्यायालयाचे आदेश
'अहमदशाह, आदिलशहा, निजामशहा, कुतुबशहा आता अमित शाह'