Lic Scheme: एलआयसीच्या या योजनेतुन दरमहा मिळणार 12 हजार, वाचा डिटेल्स

lic pension scheme

अशा अनेक योजना आहेत ज्यात एकदा गुंतवणूक केल्यानंतर आयुष्यभरासाठी एकरकमी रक्कम दिली जाते. भारतीय आयुर्विमा महामंडळ (LIC) ची सरल पेन्शन योजनाही अशीच आहे. भारतीय आयुर्विमा महामंडळाने ही योजना 1 जुलै 2021 पासून सरल पेन्शन योजना म्हणून सुरू केली आहे.

ही एक नॉन-लिंक केलेली सिंगल प्रीमियम योजना आहे ज्यामध्ये तुम्हाला फक्त एकदाच प्रीमियम भरावा लागेल आणि तुम्हाला आयुष्यभर पेन्शन दिली जाईल. जर पती-पत्नीला LIC सरल पेन्शन योजना हवी असेल तर दोघेही सोबत याचा लाभ घेऊ शकतात.

या योजनेत कोण गुंतवणूक करू शकते:

40 ते 80 वर्षे वयोगटातील कोणीही या योजनेत गुंतवणूक करू शकतो. तुम्ही या पॉलिसीसाठी ऑफलाइन किंवा ऑनलाइन अर्ज करू शकता. एलआयसीच्या या पेन्शन प्लॅनमध्ये एकवेळ प्रीमियम भरावा लागतो आणि पॉलिसीधारकाला 12000 रुपये मासिक पेन्शन मिळते.

या योजनेत, तुम्ही पॉलिसी सुरू झाल्याच्या तारखेपासून 6 महिन्यांनंतर कधीही कर्ज घेऊ शकता. या योजनेत पॉलिसी काढताच पेन्शन सुरू होईल. पॉलिसीधारकाला दरमहा, तिमाही, सहामाही किंवा वर्षातून एकदा पेन्शन घेण्याचा पर्याय आहे.

योजनेतील किमान वार्षिकी रु. 12,000 प्रतिवर्ष आहे. वार्षिक मोड असणारी किमान खरेदी किंमत निवडलेल्या पर्यायावर आणि पॉलिसी घेणाऱ्याच्या वयावर अवलंबून असेल.

या योजनेत पैसे गुंतवण्याची कमाल मर्यादा नाही. मासिक पेन्शनचा लाभ घ्यायचा असेल तर महिन्यात किमान एक हजार रुपये गुंतवावे लागतील. त्याचबरोबर तिमाही पेन्शनसाठी एका महिन्यात किमान 3 हजार रुपये गुंतवावे लागणार आहेत.

पेन्शन मिळविण्यासाठी दोन पर्याय आहेत:

LIC सरल पेन्शन प्लॅनमध्ये तुम्हाला दोन पर्याय मिळतात.  प्रथम, तुम्ही फक्त स्वतःसाठी खरेदी करू शकता ज्यामध्ये तुम्हाला पेन्शन मिळेल आणि तुमच्या मृत्यूनंतर, तुमच्या नॉमिनीला प्रीमियमची पूर्ण रक्कम मिळेल.

दुसरा पर्याय संयुक्त आहे. यात तुमचा आणि तुमच्या पत्नीचा दोघांचाही समावेश आहे. यात आधी तुम्हाला पेन्शन मिळेल, तुमच्या मृत्यूनंतर तुमच्या पत्नीला किंवा पतीला मिळेल, जर दोघेही मेले तर तुमच्या नॉमिनीला संपूर्ण पैसे जमा होतील.