ठाकरे सरकार कडून “शेळी समूह योजनेला” मंजुरी; 7.81 कोटी निधी मंजूर, शेतकऱ्यांचा होणार फायदा

Goat Herd Scheme

Goat Herd Scheme : शेतकऱ्यांसाठी (farmers) दिलासादायक बातमी आहे. काल झालेल्या मंत्रिमंडळ बैठकीत मुख्यमंत्री उद्धव ठाकरेंनी एक महत्वाचा निर्णय घेतला आहे. महाविकास आघाडी सरकारने "शेळी समूह योजनेला" मंजुरी दिली आहे. पुण्यश्लोक अहिल्यादेवी महाराष्ट्र मेंढी आणि शेळी विकास प्रक्षेत्र अमरावती जिल्ह्यातील पोहरा येथे हा “शेळी समूह योजना” राबविण्याचा निर्णय घेतला आहे.

अमरावती जिल्ह्यातील पोहरा येथे पुण्यश्लोक अहिल्यादेवी महाराष्ट्र मेंढी आणि शेळी विकास प्रक्षेत्रात शेळी समूह योजना राबविण्यास मुख्यमंत्री यांनी मान्यता दिली आहे. 7.81 कोटी इतका निधी “शेळी समूह योजनेसाठी” निधी देण्यासाठी मान्यता दिली आहे. शेळी मेंढी पालन व्यवसायाला” चालना देण्यासाठी हा निर्णय घेतला आहे.

शेळ्यां मोठया प्रमाणात रोगांमुळे मृत्युमुखी पडतात. तसेच मांसासाठी सुद्धा कमी वयाच्या शेळ्यांची कत्तल देखील केली जाते. मग अशा वेळी पाहिजे त्या जातीची शेळी उपलब्ध होत नाही. या उद्देशाने “शेळी समूह योजना” राबविण्याचा निर्णय घेतला आहे. शेतकऱ्यांसाठी शेळ्यांचे प्रशिक्षण केंद्र व निवासस्थान, तसेच दूध व दुग्धजन्य प्रक्रीया केंद्र देखील स्थापन करण्यात येणार आहेत. सोबत पोहरा येथे सुविधा केंद्र सुद्धा स्थापन होणार आहेत.