'या' महिन्यात करा काकडीची लागवड दोन महिन्यातच पीक तयार होते काढणीसाठी, मिळते बंपर उत्पादन

cucumber farming

देशात अनेक भागात काकडीची लागवड केली जाते, राज्यात देखील काकडी लागवड लक्षणीय बघायला मिळेल. अनेक काकडी उत्पादक शेतकरी काकडी लागवड करून चांगली मोठी कमाई करत आहेत. कृषी वैज्ञानिक सांगतात की, भारतात काकडी लागवडीसाठी खूप अनुकूल वातावरण आहे आणि काकडीची लागवड ही आपल्या वातावरणात बाराही महिने केली जाऊ शकते. राज्यात देखील काकडी लागवडीसाठी खूप पोषक वातावरण असल्याचे सांगितले जाते. काकडी तसं बघायला गेलं तर एक नगदी पीक आहे, आणि शेतकरी बांधव या नगदी पिकाची लागवड करून चांगले उत्पन्न कमवीत आहेत.

काकडी हे तीन महिन्यात तयार होणारे पीक आहे, शिवाय काकडी लागवडीसाठी खर्च हा जवळपास नगण्यच आहे. जानेवारी महिन्याच्या शेवटी किंवा फेब्रुवारी महिन्याच्या पहिल्या आठवड्यात काकडीची लागवड करून शेतकरी बांधव एप्रिल महिन्यात या पासून चांगले बंपर उत्पादन प्राप्त करू शकतात. आज आम्ही आमच्या शेतकरी वाचक मित्रांसाठी काकडीच्या शास्त्रीय लागवडीची माहिती घेऊन आलो आहोत. चला तर मग मित्रांनो जाणून घेऊया काकडीच्या लागवडीविषयी महत्त्वपूर्ण माहिती.

कोणत्याही हंगामात केली जाते काकडीची लागवड

देशात सर्वत्र बाराही महिने काकडीची लागवड करण्यासाठी अनुकूल वातावरण असल्याचे सांगितले जाते. काकडी लागवडीसाठी 20 ते 40 अंश सेल्सिअस दरम्यान असलेले तापमान खूपच चांगले असल्याचे सांगितले जाते आणि या तापमानात काकडी लागवडीतून चांगले बंपर उत्पादन मिळते. असे असले तरी जर आपल्याकडे पॉलिहाऊस अर्थात ग्रीन हाऊस असेल तर आपण काकडी लागवड ही उन्हाळी हंगामात सुद्धा करू शकता आणि त्यातून चांगले उत्पादन सुद्धा प्राप्त करू शकता.

कृषी वैज्ञानिकांच्या मते एक एकर काकडी लागवड करण्यासाठी सुमारे एक किलो बियाणे लागते. बियाणे ते बियाणे अंतर 60 सेंटिमीटर असावे असा सल्ला दिला जातो. तसंच बेल्याचे अंतर हे अर्धा मीटर असावे. काकडीचे बियाणे हे एका ठिकाणी दोन-दोन बियाणे टोपण करावे.

• हेही वाचा:- Great News: रब्बी हंगामात चक्क काळ्या भाताची पेरणी, शेतकऱ्याच्या अनोख्या प्रयोगाचे सर्व्यांना नवल

पूर्वमशागत आहे महत्वाची

काकडी लागवडीतून यशस्वी उत्पादन प्राप्त करण्यासाठी पूर्वमशागत चांगल्या पद्धतीने करणे महत्त्वाचे ठरते. शेताची चांगली खोलवर नांगरणी करून काकडी लागवड केल्यास अधिक उत्पादन प्राप्त होते. काकडीची लागवड करण्यासाठी पाण्याची अधिक गरज भासत नाही. काकडीची लागवड ही सुपीक चिकन माती असलेल्या जमिनीत केल्यास चांगले उत्पादन प्राप्त होते.

वावर तयार करताना प्रति हेक्‍टर 15 टन चांगले कुजलेले शेणखत वावरात टाकले गेले पाहिजे यामुळे उत्पादनात वाढ होते. 20 किलो नत्र, 12 किलो स्फुरद, 10 किलो पालाश खत एक एकर क्षेत्रासाठी आवश्यक आहे.  स्फुरद आणि पोटॅश हे संपूर्ण पेरणीच्या वेळी लावावे तसेच नायट्रोजन एक तृतीयांश या प्रमाणात लावावे. उरलेल्या नत्राचा अर्धा भाग एक महिन्यानंतर आणि उरलेला भाग फुलोऱ्यानंतर द्यावा.

• हेही वाचा:-मस्तच! 'हा' इंजिनिअर कमवितोय शेतीतून वर्षाकाठी एक करोड रुपये, जाणुन घ्या या अवलिया विषयी