Wheat varieties: देशातील खरीप हंगामातील (Kharip Season) पिकांची सध्या काढणी सुरु आहे. या हंगामामध्ये मुसळधार पावसाने (Heavy Rain) पिकांचे मोठ्या प्रमाणात नुकसान केले आहे. त्यामुळे उत्पादन घटण्याची शक्यता वर्तवण्यात येत आहे. तसेच लवकरच रब्बी हंगाम (Rabi Season) सुरु होणार आहे. या हंगामामध्ये गव्हाच्या पिकाची लागवड मोठ्या प्रमाणात केली जाते.

शेतकऱ्यांनी रब्बी हंगामाची तयारी सुरू केली आहे. ज्यामध्ये शेतकरी रब्बी हंगामातील मुख्य पीक असलेल्या गव्हाच्या (wheat) सुधारित बियाण्यांची व्यवस्था करण्यात व्यस्त आहेत. परंतु, शेतकऱ्यांनी हे जाणून घेणे महत्त्वाचे आहे की, सुधारित बियाण्यांमुळे ते पिकाची गुणवत्ता आणि उत्पादन नक्कीच सुधारू शकतात.

परंतु, बंपर उत्पादनासाठी शेतकऱ्यांना गव्हाच्या चांगल्या जातीची गरज आहे. सध्या, शास्त्रज्ञांनी गव्हाचे असे वाण विकसित केले आहेत, जे एका हेक्टरमध्ये 96 क्विंटलपर्यंत उत्पादन देण्यास सक्षम आहेत. या रब्बी हंगामात शेतकऱ्यांसाठी गव्हाचे कोणते प्रकार फायदेशीर ठरू शकतात हे जाणून घेऊया.

करण वंदना जातीपासून ९६ क्विंटल हेक्टरपर्यंत उत्पादन

गव्हाच्या करण वंदना जातीला DBW 187 असेही म्हणतात. ही जात ICAR-भारतीय गहू आणि बार्ली संशोधन कर्नाल संस्थेने विकसित केली आहे. या जातीच्या वैशिष्ट्यांबद्दल सांगायचे तर, एक हेक्टरमध्ये सरासरी 61.3 क्विंटल उत्पादन मिळू शकते. तर त्याच वेळी त्याची क्षमता एक हेक्टरमध्ये 96.6 क्विंटल आहे.

ठरलं तर! केंद्र सरकार या दिवशी शेतकऱ्यांच्या खात्यात जमा करणार 12वा हफ्ता

करण नरेंद्र जातीपासून एक हेक्टरमध्ये ८२ क्विंटलपर्यंत उत्पादन

गव्हाच्या उत्कृष्ट वाणांमध्ये करण नरेंद्रचाही समावेश आहे. त्याला DBW-222 असेही म्हणतात. ही जात ICAR-भारतीय गहू आणि बार्ली संशोधन कर्नाल संस्थेने देखील विकसित केली आहे. ही जात एक हेक्टरमध्ये सरासरी ६१.३ क्विंटल उत्पादन देते.

तर त्याच वेळी एक हेक्टरमध्ये 82.1 क्विंटल उत्पादन करण्याची क्षमता आहे. रोटी, ब्रेड आणि बिस्किटे बनवण्यासाठी हे गुणकारी मानले जाते. लवकर पेरणी करता येते. त्याचबरोबर ही जात १४३ दिवसांत तयार होते.

सर्वोच्च न्यायालयाचा ऐतिहासिक निर्णय; अविवाहित महिलाही करू शकतात गर्भपात...

करण श्रिया जातीच्या एका सिंचनातून ५५ क्विंटलपर्यंत उत्पादन

गव्हाच्या सुधारित जातींमध्ये करण श्रियाचे नावही ठळकपणे घेतले जाते. या जातीला DBW 252 म्हणतात. ही वाण जून २०२१ मध्ये लाँच करण्यात आली. जे ICAR-भारतीय गहू आणि बार्ली संशोधन कर्नाल संस्थेने विकसित केले आहे.

करण श्रीया जातीला एक सिंचन लागते. तर त्याच वेळी या जातीपासून एक हेक्टरमध्ये सरासरी 36.7 क्विंटल उत्पादन मिळू शकते. त्याच वेळी, त्याची कमाल क्षमता 55 क्विंटल पर्यंत आहे. करण श्रिया ही जात १२७ दिवसांत परिपक्व होते.

DDW47 जातीमध्ये सर्वाधिक प्रथिने सामग्री

ICAR-भारतीय गहू आणि बार्ली संशोधन कर्नाल या संस्थेने DDW 47 ही जात विकसित केली आहे. गव्हाच्या या जातीमध्ये सर्वाधिक प्रथिनांचे प्रमाण १२.६९% आहे. त्याच वेळी, या प्रकारच्या वनस्पतीमध्ये अनेक रोगांशी लढण्याची क्षमता आहे. या जातीची लागवड करून शेतकरी एका हेक्टरमध्ये ७४ क्विंटलपर्यंत उत्पादन घेऊ शकतात.

महत्वाच्या बातम्या:
कच्च्या तेलाच्या किमती घसरल्या! प्रति बॅरल 76.77 डॉलरवर; जाणून घ्या पेट्रोल-डिझेलचे नवे भाव...
पांढऱ्या अळीपासून पिकांचे असे करा संरक्षण; जाणून घ्या उपाय