थेट पुणे पोलिस आयुक्तांकडे, एका तरुणाने ट्विटरवर तक्रार केली की त्याची पत्नी व्हॉट्सअॅपवरील डीपी तिच्यासोबत ठेवत नाही म्हणून वाद घालत आहे, ज्याला पुणे पोलिस आयुक्तांनीही उत्तर दिले.  व्हॉट्सअॅप आता प्रत्येकाचा अविभाज्य भाग बनले आहे असे म्हटल्यास वावगे ठरणार नाही. ऑफिसपासून घरच्या मंडळींपर्यंत व्हॉट्सअॅप ग्रुप्स आहेत.

व्हॉट्सअॅपवरील डीपीही सतत चर्चेत असतात. व्हॉट्सअॅप डीपीवरून अनेकदा विवाहित जोडप्यांकडून आणि विशेषत: नवविवाहित जोडप्यांकडून हे ऐकायला मिळते. पण हा घरगुती वाद थेट पोलिसांपर्यंत पोहोचला तर? असाच काहीसा प्रकार पुण्यात घडला आहे.व्हॉट्सअॅप डीपीवरून पत्नीसोबत झालेल्या वादावर तोडगा काढण्यासाठी एका तरुणाने थेट पोलिस आयुक्तांनाच प्रश्न  विचारला.

त्यावर आयुक्तांनीही भन्नाट  उत्तर दिले. त्याचे झाले असे की, प्रतिक करंजे नावाच्या व्यक्तीने थेट पुणे पोलीस आयुक्तांना टॅग करत प्रश्न विचारला. “मी माझ्या व्हॉट्अप डीपीवर पत्नीचा फोटो ठेवत नाही म्हणून ती नेहमी माझ्याशी भांडते,” असं या ट्विटमध्ये म्हटलं होतं. पुढे प्रतिक यांनी यासाठी पुणे पोलिसांनी गुन्ह्यांची उकल करण्यासाठी सेल सुरु करतात तशा पद्धतीने घरगुती हिंसेसाठी सुरु केलेल्या भरोसा सेलकडे यासंदर्भात तक्रार करु शकतो का असा प्रश्न विचारला.

“मी यासाठी पुणे पोलिसांच्या भरोसा सेलची मदत घेऊ शकतो का?” असे प्रतिकने विचारले. पोलिस आयुक्तांच्या अधिकृत ट्विटर हँडलवरून हे उत्तर देण्यात आले. "एकमेकांवर भरोसा ठेवणे केव्हाही चांगले. घरगुती हिंसाचाराशी संबंधित इतर तक्रारींसाठी, तुम्ही भरोसा सेलशी कधीही संपर्क साधू शकता,"असे पुणे पोलिस आयुक्त यांनी सांगितले. 

सध्या सोशल मीडिया अफवांचा बाजार आहे. मात्र त्याचवेळी विविध शहरांतील प्रशासकीय यंत्रणा तसेच पोलीस अधिकारी व विभाग सोशल नेटवर्किंगचा प्रभावी वापर करून या माध्यमातून लोकांमध्ये जनजागृती करून त्यांना एका बटणाच्या क्लिकवर मदत उपलब्ध करून देत आहेत.

यापैकी मुंबई पोलिस आणि पुणे पोलिसांची ट्विटर अकाउंट महाराष्ट्रात विशेष लोकप्रिय आहेत. या दोन्ही अकाऊंटवरून मीम्स आणि तरुणांच्या भाषेत ट्रेंडिंग विषयांवरील पोस्ट व्हायरल होतात. मुख्य खात्यांव्यतिरिक्त, दोन मोठ्या शहरांच्या पोलिस आयुक्तांची स्वतंत्र खाती देखील आहेत, ज्याचा उपयोग जनजागृतीसाठी केला जातो. या जनजागृतीचा एक भाग म्हणून, पुण्याचे पोलीस आयुक्त अमिताभ गुप्ता यांनी अलीकडेच ट्विटरवर लाइव्ह विथ सीपी पुणे सिटी अंतर्गत सर्वसामान्यांशी संवाद साधला. दरम्यान, अनेकांनी गुप्ता यांना वेगवेगळे प्रश्न विचारले. अशाच काही मजेदार प्रश्नांची भन्नाट उत्तरं पोलीस आयुक्तांनी या लाइव्ह चॅटदरम्यान दिल्याचं पहायला मिळालं.

महत्वाच्या बातम्या
IMD Alert : असनी चक्रीवादळाचा मार्ग बदलला; जोरदार पावसाची शक्यता
देशातील पहिला अनोखा प्रयोग! अन्न कचऱ्यापासून निर्माण झालेल्या विजेवर होणार इलेक्ट्रिक वाहने चार्ज