नवी दिल्ली: विक्रमी महागाईच्या पार्श्वभूमीवर केंद्र सरकारी कर्मचाऱ्यांसाठी आनंदाची बातमी आहे. त्यांचा महागाई भत्ता (DA) जुलैमध्ये चार टक्क्यांनी वाढू शकतो. यासोबतच इतर चार भत्तेही वाढू शकतात.

अखिल भारतीय ग्राहक किंमत निर्देशांक (AICPI) च्या आधारावर सरकार आपल्या कर्मचार्‍यांचा DA वर्षातून दोनदा निश्चित करते. जानेवारी आणि जुलैमध्ये DA सुधारित होतो. जानेवारीपासून डीएमध्ये तीन टक्क्यांनी वाढ करण्यात आली होती, त्यानंतर ती 34 टक्के करण्यात आली आहे.

आता त्यात चार टक्क्यांनी वाढ झाली तर ती ३८ टक्क्यांवर पोहोचेल. याचा फायदा १.१६ कोटी केंद्रीय कर्मचारी आणि पेन्शनधारकांना होणार आहे. एप्रिलमध्ये किरकोळ महागाई आठ वर्षांच्या विक्रमी पातळीवर पोहोचली होती. कर्मचाऱ्यांना महागाईपासून दिलासा देण्यासाठी सरकार डीए वाढवते.

एप्रिल, मे आणि जूनमध्ये AICPI 126 च्या वर राहण्याची अपेक्षा आहे. जानेवारी आणि फेब्रुवारीमध्ये ते 125.1 आणि 125 होते तर मार्चमध्ये ते 126 वर पोहोचले. आता हीच स्थिती राहिल्यास केंद्रीय कर्मचाऱ्यांचा डीए चार टक्क्यांनी वाढू शकतो.

7th Pay Commission: कर्मचाऱ्यांना पगाराव्यतिरिक्त 30 हजार मिळणार, 'ही' अट पूर्ण करावी लागणार

या चार भत्त्यात होणार वाढ

डीए वाढल्याने कर्मचार्‍यांचा पीएफ आणि ग्रॅच्युइटी योगदान देखील वाढते. याचे कारण म्हणजे कर्मचाऱ्याच्या मूळ पगारातून आणि डीएमधून तो कापला जातो. डीएमध्ये वाढ झाल्याने कर्मचाऱ्यांचा वाहतूक भत्ता आणि शहर भत्ता वाढण्याचा मार्गही मोकळा झाला आहे.

माध्यमांमध्ये अशा बातम्याही येत आहेत की, सरकार केंद्रीय कर्मचाऱ्यांच्या एचआरएमध्येही वाढ करण्याचा विचार करत आहे. सध्या कर्मचाऱ्यांना 27%, 18% आणि 9% HRA मिळत आहे. हे शहरी, निमशहरी आणि ग्रामीण क्षेत्राच्या आधारावर दिले जाते.

राज्य सरकारचा मोठा निर्णय; 'या' योजनेंतर्गत मिळणार 50 हजार रुपये, जाणून घ्या सविस्तर...

पगार किती वाढेल

सध्या जर एखाद्या कर्मचाऱ्याचे मूळ वेतन 1,8000 रुपये असेल, तर 34 टक्क्यांनुसार त्याला 6,120 रुपये DA मिळतो. जर डीए ३८ टक्के झाला तर कर्मचाऱ्यांना ६८४० रुपये महागाई भत्ता मिळेल.

म्हणजेच त्याला 720 रुपये अधिक मिळतील. केंद्र सरकारने आपल्या कर्मचार्‍यांना 18 महिन्यांपासून म्हणजे 1 जानेवारी 2020 ते 30 जून 2021 या कालावधीत डीए दिलेला नाही. अनेक दिवसांपासून कर्मचारी त्याची देणी देण्याची मागणी करत आहेत.

अंबानी, बच्चन, तेंडुलकर आणि अक्षयकुमार हे पुणे जिल्ह्यातील 'या' डेअरीचे दूध पितात..!