देशात सध्या उष्णतेची लाट आहे. वाढत्या तापमानामुळे नागरिक त्रस्त आहेत. त्याचप्रमाणे बंगालच्या उपसागरात चक्रीवादळ निर्माण झाले आहे. मात्र, महाराष्ट्रात अद्याप याचा कोणताही परिणाम न झाल्याने राज्यात उकाडा जाणवत आहे. उकाड्यापासून राज्याला अद्याप दिलासा मिळालेला नाही. आज आणि उद्या उत्तर महाराष्ट्रात उष्णतेची लाट येण्याची शक्यताही हवामान खात्याने वर्तवली आहे.

वाढत्या तापमानामुळे नागरिक हैराण झाले आहेत. धुळे, जळगाव आणि अहमदनगरमध्ये आज उष्णतेची लाट येण्याची शक्यता हवामान खात्याने वर्तवली आहे. कमाल तापमानात वाढ होणार आहे. उद्या (१० एप्रिल) धुळे, जळगाव, अहमदनगर आणि नाशिकमध्ये उष्णतेची लाट येण्याचा अंदाज आहे.

उद्यापासून 12 मे पर्यंत विदर्भात उष्णतेची लाट राहण्याचा अंदाज हवामान खात्याने वर्तवला आहे. नागपूर, वर्धा, चंद्रपूर, अकोला, यवतमाळ आणि वाशीम जिल्ह्यांत तापमान वाढेल. उष्णतेच्या लाटेचा अंदाज असेल. काही ठिकाणी तापमान ४५ अंश सेल्सिअसपर्यंत पोहोचण्याची शक्यता आहे.

पुढील चार दिवस नागपुरात ४५ अंश सेल्सिअस तापमानाचा अंदाज हवामान खात्याने वर्तवला आहे. रत्नागिरी आणि सिंधुदुर्ग येथे 11 आणि 12 मे रोजी तुरळक पावसाचा अंदाज हवामान खात्याने वर्तवला आहे. दक्षिण अंदमान समुद्राजवळ चक्राकार वाऱ्यांच्या प्रभावामुळे बंगालच्या उपसागरात कमी दाबाचे क्षेत्र तयार झाले आहे. या यंत्रणेची तीव्रता वाढत आहे.

आज आखाती भागात चक्रीवादळ निर्माण होण्याची शक्यता हवामान खात्याने दिली आहे. बंगालच्या उपसागरातील प्रणालीची तीव्रता वाढल्याने शनिवारी अंदमान बेटांजवळ तीव्र कमी दाबाचे क्षेत्र तयार झाले. ही प्रणाली पोर्ट ब्लेअरच्या 300 किमी नैऋत्येस, विशाखापट्टणम (आंध्र प्रदेश) पासून 1270 किमी आणि पुरी (ओडिशा) पासून 1300 किमी आग्नेयेस होती. वायव्येकडे सरकणारी ही यंत्रणा आज चक्रीवादळात बदलणार आहे. मंगळवारपर्यंत हे चक्रीवादळ उत्तर आंध्र प्रदेश आणि ओडिशाच्या किनारपट्टीवर पोहोचण्याची अपेक्षा आहे, त्यानंतर ही प्रणाली पश्चिम बंगालकडे जाण्याची अपेक्षा आहे, असे हवामान खात्याने सांगितले.

महत्वाच्या बातम्या
LPG Price : घरगुती एलपीजी गॅस पुन्हा महागला; सर्वसामान्यांचे बजट पुन्हा कोलमडलं