महाराष्ट्रात फळ पिकांसाठी हवामान आधारित फळ पिक विमा योजना सन 2011 पासून कार्यान्वित करण्यात आली आहे. सन 2018-19 मध्ये द्राक्ष, संत्रा, मोसंबी, डाळिंब, केळी, आंबा, काजू, पेरू व लिंबू पिकांचा अंबिया बहाराकरिता ही योजना राबविण्यात येत आहे. सदर योजना विमा कंपन्यांच्या माध्यमांतून प्रत्येक पिकनिहाय अधिसूचित जिल्ह्यांतील अधिसूचित तालुक्यांमध्ये राबविण्यात येणार आहे व नुकसान भरपाईची रक्कम विमा कंपनी मार्फत शेतकऱ्यांस दिली जाणार आहे.

योजनेची वैशिष्ट्ये:

• कमी / जास्त पाऊस, वेगाचा वारा, गारपीट व सापेक्ष आर्द्रता या हवामान धोक्यापासून निर्धारित केलेल्या कालावधीत शेतकऱ्यांना विमा संरक्षण आणि आर्थिक सहाय्य देणे.
• फळपिक नुकसानीच्या अत्यंत कठीण परिस्थितीत शेतकऱ्यांचे आर्थिक स्थैैर्य आबधित राखणे.

हेही वाचा:‘या’ कारणांमुळे आंबा उत्पादन कमी होण्याची शक्यता

या योजनेंतर्गत जिल्हानिहाय काम करणाऱ्या विमा कंपन्या पुढीलप्रमाणे:

अ. क्र	समाविष्ट जिल्हे	विमा कंपनीचे नाव व पता
१	समूह १: वाशिम, वर्धा, जालना, पुणे, रत्नागिरी, लातूर व अकोला	दि न्यू इन्डिया एश्योरन्स कंपनी ८७, एम जी रोड, फोर्ट, मुंबई पिन- ४००००१. फोन नं: ०२२-२२७०८१०० टोल फ्री नंबर: १८००२०९१४१५ ई-मेल: pmfby.ho@newindia.co.in
२	समूह २: ठाणे, कोल्हापूर, परभणी, यवतमाळ, नाशिक व हिंगोली समूह ३: रायगड, धुळे, नागपूर, जळगाव, सोलापूर, सिंधुदुर्ग, सातारा, उस्मानाबाद व नंदुरबार समूह ४: बुलढाणा, औरंगाबाद, अहमदनगर, अमरावती, पालघर, सांगली, नांदेड व बीड	अॅग्रीकल्चर इन्शुरन्स कंपनी ऑफ इंडिया लि. मुंबई क्षेत्रीय कार्यालय, स्टॉक एक्स्चेंज टॉवर्स, २० वा मजला, दलाल स्ट्रीट, फोर्ट मुंबई- ४०००२३. फोन नं: ०२२-६१७१०९१२ टोल फ्री नंबर: १८००१०३००६१ ई-मेल: mhwbcis@aicofindia.com

या योजनेसाठी विविध वित्तीय संस्थांकडे पिक कर्जासाठी अर्ज केलेल्या व ज्यांची अधिसूचित फळ पिकांसाठी पिक कर्ज मर्यादा मंजूर आहे, अशा सर्व शेतकऱ्यांना ही योजना सक्तीची राहील.
बिगर कर्जदार शेतकऱ्यांना ही योजना ऐच्छिक राहील.
योजनेमध्ये सहभागी झालेल्या कर्जदार / बिगर कर्जदार शेतकऱ्यांसाठी या योजेनेतील गारपीट या हवामान धोक्यासाठी सहभाग ऐच्छिक राहील.
शेतकऱ्यांनी भरावयाचा जास्तीत जास्त विमा हप्ता विमा संरक्षित रकमेच्या 5 टक्के किंवा वास्तवदर्शी दर यापैकी जी कमी असेल ती रक्कम.

विमा संरक्षित रक्कम आणि शेतकऱ्याने भरावयाचा विमा हप्ता:

पिक	विमा संरक्षित रक्कम रु.  (प्रती हेक्टरी)	विमा दरात शेतकरी हिस्सा रु. (प्रती हेक्टरी)
द्राक्ष	३,०८,०००/-	१५,४००/-
डाळींब	१,२१,०००/-	६,०५०/-
मोसंबी	७७,०००/-	३,८५०/-
पेरू	५५,०००/-	२,७५०/-
केळी	१,३२,०००/-	६,६००/-
संत्रा	७७,०००/-	३,८५०/-
काजू	८३,६००/-	४,१८०/-
आंबा	१,२१,०००/-	६,०५०/-
लिंबू	६६,०००/-	३,३००/-

 

संबंधित शासन निर्णय पाहण्यासाठी: प्रधानमंत्री फसल बीमा योजनेंतर्गत राज्यात पुनर्रचित हवामान आधारित पिक विमा योजना 2018-19 मध्ये अंबिया बहाराकरिता लागू करण्याबाबत 

संरक्षित रक्कम आणि शेतकऱ्याने भरावयाचा विमा हप्ता: (ऐच्छिक गारपीटीकरिता)

पिक	विमा संरक्षित रक्कम रु. (प्रती हेक्टरी)	विमा दरात शेतकरी हिस्सा रु. (प्रती हेक्टरी)
द्राक्ष	१,०२,६६७/-	५,१३३/-
डाळींब	४०,३३३/-	२,०१७/-
मोसंबी	२५,६६७/-	१,२८३/-
पेरू	१८,३३३/-	९१७/-
केळी	४४,०००/-	२,२००/-
संत्रा	२५,६६७/-	१,२८६/-
काजू	२७,८६७/-	१,३९३/-
आंबा	४०,३३३/-	२,०१७/-
लिंबू	२२,०००/-	१,१००/-

पीकनिहाय विमा हप्ता भरण्याची अंतिम मुदत:

• द्राक्ष: 15 ऑक्टोबर
• डाळिंब, मोसंबी, पेरू व केळी: 31 ऑक्टोबर
• लिंबू: 14 नोव्हेंबर
• संत्रा, काजू: 30 नोव्हेंबर
• आंबा: 31 डिसेंबर

योजनेत सहभागी होण्यासाठी शेतकऱ्यांनी सादर करावयाची कागदपत्रे:

• ७/१२ (७/१२ वर फळबागेचा उल्लेख)
• ८-अ
• फळबाग लागवड दाखला
• बँक पासबुक झेरॉक्स
• आधार कार्ड झेरॉक्स
• संरक्षित रक्कम विमा हप्ता इत्यादी.

या योजनेच्या अधिक माहितीकरिता संबंधित तालुका कृषी अधिकारी, उप विभागीय कृषी अधिकारी, जिल्हा अधीक्षक कृषी अधिकारी किंवा संबंधित विमा कंपनीकडे संपर्क साधावा.