सध्या सणासुदीचा काळ तोंडावर आला असून ॲमेझॉन आणि फ्लिपकार्ट सारख्या कंपन्यांनी त्यांच्या फेस्टिव्ह सेल सुरू केले आहेत. यामध्ये मोबाईलच नाही तर वेगवेगळ्या प्रकारचे गॅझेट कमी किमतीमध्ये घेण्याची संधी आहे. अगदी त्याच पद्धतीने शाओमी या कंपनीने देखील दिवाळी सेल आणला असून यामध्ये शाओमी कंपनीचा 'शाओमी 11T प्रो 5G' हा फोन अगदी कमी किमतीत खरेदी करण्याची संधी दिली आहे.
या फोनच्या 128 जीबी स्टोरेज व्हेरिएंट 28999 मध्ये खरेदी करता येऊ शकणार आहे. हा फोन 39 हजार 999 रुपये किमतीमध्ये अगोदर सादर करण्यात आला होता.
सध्या शाओमी 11T प्रो 5G चे बेस व्हेरीयन्ट म्हणजेच आठ जीबी रॅमसह 128 जीबी स्टोरेज मॉडेल सध्या ॲमेझॉन आणि शाओमीच्या साइटवर 34 हजार 999 रुपयाच्या किमतीत लिस्टिंग असून 8 जीबी रॅम आणि 256 जीबी स्टोरेज 36 हजार 999 रुपयांमध्ये आणि बारा जीबी रॅम आणि 256 जीबी स्टोरेज 38 हजार 999 रुपयामध्ये लिस्टिंग आहे.
बँक ऑफ बडोदा आणि आयसीआयसीआय बँक तसेच कोटक महिंद्रा बँकेचा ग्राहकांना हा फोन 28 हजार 999 रुपयांच्या सुरुवातीच्या किमतीत खरेदी करता येणार आहे परंतु कोणत्या बँकेला कोणती ऑफर मिळणार आहे याची कोणतीही माहिती सध्या उपलब्ध नाही.
'शाओमी 11T प्रो 5G' स्मार्टफोनचे वैशिष्ट्ये
या फोनमध्ये 1080×2400 पिक्सेल रिझोल्युशन सह 6.67 इंचाचा फुल एचडी+AMOLED डिस्प्ले देण्यात आला आहे व त्याचा रिफ्रेश दर 120 Hz आहे आणि तो डॉल्बी विजनला सपोर्ट करेल. याच्यात डिस्प्लेचा ब्राईटनेस 1000 नीटस आहे.
यामध्ये स्नॅपड्रॅगन 888 प्रोसेसर आणि ग्राफिक्ससाठी अड्रेनो 660 GPU, 3 जीबी वर्चुअल रॅम सोबत LPDDR5 रॅम देखील मिळेल. या फोनमध्ये तीन रियर कॅमेरा असून यामध्ये प्रायमरी लेन्स 108 मेगापिक्सल सॅमसंग HM2 सेंसर आहे. सेकंडरी लेन्स 8 मेगापिक्सल अल्ट्रा वाइड अँगलची आहे.
आणि तिसरी लेंस ही 5 मेगापिक्सेलचा मॅक्रो लेन्स आहे. या फोन 50 डायरेक्टर मोड उपलब्ध असतील या फोनचा कॅमेराने 8K व्हिडिओ रेकॉर्ड करू शकणार आहात व समोर 16 मेगापिक्सलचा कॅमेरा आहे.
एवढेच नाही तर या फोनमध्ये 120W हायपर चार्ज फास्ट चार्जिंग सपोर्टसह 5000mAh डुएल सेल बॅटरी आहे. कनेक्टिव्हिटीसाठी या फोन मध्ये वाय-फाय 6,ब्लूटुथ, जीपीएस/A- जीपीएस/NAVIC, NFC, IR BLASTER आणि यूएसबी टाइप C पोर्ट आहे. तसेच यामध्ये साईड माऊंटेड फिंगरप्रिंट सेन्सर आहे.
नक्की वाचा:Banking News: एसबीआयच्या 'या' महत्त्वपूर्ण योजनेला मुदतवाढ, गुंतवणूकदार घेऊ शकतात फायदा
Published on: 24 September 2022, 02:29 IST