आपल्याला माहित आहे कि,आधार कार्ड एक सगळ्यात महत्त्वाचे कागदपत्र असून कुठल्याही प्रकारच्या योजनांचा फायदा किंवा कुठल्याही प्रकारचे सरकारी कामासाठी आता आधार कार्ड अनिवार्य आहे. आपल्याला माहित आहेच कि बँक खाते असो कि तुमचे मतदान कार्ड या सगळ्यांना आधार कार्ड संलग्न करणे आवश्यक आहे.
या आधार कार्डच्या मार्फत बरीच कामे सोपी देखील होतात तो बर्‍याच प्रकारचे फायदे देखील लोकांना मिळतात. या लेखामध्ये आपण आधार कार्डमुळे पेन्शनधारकांना कुठला लाभ होतो याची माहिती घेऊ.
नक्की वाचा:कुक्कुटपालन करायचंय तर करा या कोंबडीचे आणि अशी घ्या काळजी मिळेल बक्कळ पैसा
आधार कार्डमुळे पेन्शनधारकांना मिळणारे फायदे
1- डिजिटल लाइफ सर्टिफिकेट- पेन्शनधारकांना दरवर्षी त्यांचा पेन्शनचा लाभ मिळत राहावा यासाठी पेन्शन वितरण प्राधिकरणाकडे त्यांचे लाइफ सर्टिफिकेट अर्थात जीवन प्रमाणपत्र सादर करावे लागते.
परंतु आधार कार्डमुळे आता आधार आधारित जीवन प्रमाणपत्र सेवा आता डिजिटल लाइफ सर्टिफिकेट हे ऑनलाइन पद्धतीने सबमिट म्हणजेच सादर करायला मदत करते. ही सेवा प्रामुख्याने राज्य शासनाच्या व केंद्र सरकारच्या पेंशन धारकांसाठी आहे जी बायोमेट्रिक च्या माध्यमातून चालवली जाते.
2- तुम्हाला वेळेवर पेमेंट मिळण्यास होते मदत-तुमच्या खात्यामध्ये पैसे ट्रान्सफर करताना सरकारी अधिकाऱ्यांना अनेक प्रकारच्या गोष्टींची पडताळणी करावी लागते.
परंतु तुमचे आधार कार्ड जर तुमच्या पेन्शन खात्याशी संलग्न अर्थात लिंक असेल तर सरकारी अधिकाऱ्यांना पडताळणी करणे सोपे जाते व पेमेंट अगदी वेळेवर मिळण्यास मदत होते.
3- पीएफ क्लेम सेटलमेंट प्रक्रिया होते जलद- आपल्याला माहित आहेच कि जर आपल्याला पीएफ मधून काही रक्कम काढायची राहिली तर ते पैसे आपल्या खात्यावर यायला बराच अवधी लागतो.
परंतु जर तुमचे पीएफ खाते आधारशी लिंक असेल तर क्लेम सेटलमेंटची प्रक्रिया अगदी जलदपणे होते. यासाठी कर्मचारी भविष्य निर्वाह निधी अर्थात ईपीएफओने तुम्हाला तुमचा युनिव्हर्सल अकाउंट नंबर अर्थात यूएन नंबर अनिवार्यपणे आधार से लिंक करण्यास सांगितले आहे त्यामुळे तुम्हाला तुमचा ईपीएफ ऑनलाइन क्लेम करता येतो.
Published on: 28 August 2022, 03:59 IST