नवी दिल्ली : डीएच्या थकबाकीच्या मुद्द्यावरून केंद्रीय कर्मचाऱ्यांना केंद्र सरकारने आता दणका दिला आहे. त्यामुळे केंद्रीय कर्मचाऱ्यांच्या आशा आता पल्लवित झाल्या आहेत. केंद्रीय कर्मचाऱ्यांना 18 महिन्यांची डीएची थकबाकी मिळणे अपेक्षित होते.

थकबाकी डीए मिळण्याची तरतूद नाही

आता सरकारने कर्मचाऱ्यांची ही आशा मोडीत काढली आहे. कोरोनाच्या काळात कर्मचाऱ्यांना तीन हप्त्यांचे पैसे मिळाले नाहीत. एका प्रश्नाच्या उत्तरात, अशी कोणतीही तरतूद नसल्याने केंद्रीय कर्मचार्‍यांना 18 महिन्यांपासून डीए मिळणार नाही, असे अर्थ मंत्रालयाकडून सभागृहात सांगण्यात आले आहे.

Kisan Exhibition Pune 2022 : आज पासून पुण्यात भारतातील सर्वांत मोठे कृषी प्रदर्शन!

महागाई भत्त्याची थकबाकी देणे व्यावहारिक नाही

सरकारच्या वतीने आज राज्यसभेत एका प्रश्नाला उत्तर देताना सांगण्यात आले की, महागाई भत्त्याची थकबाकी सोडणे व्यावहारिक नाही. कोरोनाच्या काळात केंद्रीय कर्मचाऱ्यांना महागाई भत्ता आणि पेन्शनधारकांना महागाई सवलतीवर बंदी घालण्यात आली होती.

अर्थ राज्यमंत्री पंकज चौधरी यांनी सभागृहात एका प्रश्नाच्या लेखी उत्तरात स्पष्ट केले की, कोरोनाच्या काळात थांबलेल्या केंद्र सरकारी कर्मचारी आणि निवृत्ती वेतनधारकांना महागाई भत्ता आणि महागाई सवलतीची थकबाकी सोडणे व्यावहारिक नाही.

जलयुक्त शिवार योजना पुन्हा सुरु होणार; वाचा मंत्रिमंडळ बैठकीतील इतर महत्त्वाचे निर्णय

तिजोरीवर परिणाम

सन 2020 मध्ये कोविडच्या दुष्परिणामांमुळे आणि केंद्र सरकारच्या अनेक कल्याणकारी योजनांमुळे सरकारी तिजोरीवर मोठा परिणाम झाला. हे लक्षात घेऊन सरकारने त्या काळात डीएवर बंदी घातली होती.

परिस्थिती सुरळीत झाल्यावर थकबाकी मिळेल, अशी आशा सरकारी कर्मचाऱ्यांना होती, मात्र आता सभागृहात घोषणा झाल्यानंतर त्यांच्या आशा पल्लवित झाल्या आहेत.