7th Pay Commission: केंद्रीय सरकारी कर्मचाऱ्यांना लवकरच आनंदाची बातमी मिळणार आहे. एकीकडे सरकार कर्मचाऱ्यांचा DA (DA Hike) वाढवणार आहे. आणि दुसरीकडे, फिटमेंट फॅक्टर वाढवण्याबाबत मोठी घोषणा होण्याचीही शक्यता आहे. असे झाले तर रक्षाबंधनाच्या सणाच्या दिवशी केंद्र सरकारच्या कर्मचाऱ्यांच्या पगारात मोठी वाढ होईल.

फिटमेंट फॅक्टर वाढू शकतो

डीएसोबतच त्यांचा फिटमेंट फॅक्टरही वाढवण्यात यावा, अशी मागणी केंद्रीय कर्मचारी बऱ्याच दिवसांपासून करत आहेत. सध्या तो 2.57 टक्के आहे. तो वाढवून 3.68 टक्के करण्याचा प्रयत्न केला जात आहे. नवीन आर्थिक वर्ष सुरू होण्यापूर्वी कर्मचार्‍यांच्या फिटमेंट फॅक्टरवर निर्णय येईल अशी आशा पूर्वीच्या अहवालांमध्ये व्यक्त करण्यात आली होती, परंतु तसे झाले नाही. आता पुन्हा एकदा डीए वाढीच्या अपेक्षेने या विषयावरही चर्चा सुरू झाली आहे.याप्रमाणे फिटमेंट फॅक्टर समजून घ्या

फिटमेंट फॅक्टर सर्व केंद्रीय सरकारी कर्मचाऱ्यांचे मूळ वेतन ठरवते. म्हणजेच कर्मचाऱ्यांना मिळणाऱ्या पगारात त्याचा मोठा वाटा असतो. त्यामुळे केंद्रीय कर्मचाऱ्यांच्या पगारात अडीच पटीने वाढ होते. 7 व्या वेतन आयोगाच्या शिफारशींनुसार, केंद्रीय कर्मचार्‍यांचे वेतन भत्त्यांव्यतिरिक्त त्यांचे मूळ वेतन आणि फिटमेंट घटकाच्या आधारावर निश्चित केले जाते. म्हणजेच या वाढीमुळे पगार वाढणार हे नक्की.

Post Office: आता पोस्ट ऑफिसमध्ये होणार पीक विम्याची नोंदणी; शेतकऱ्यांना दिलासा

शेवटची वाढ 2016 मध्ये झाली होती

शेवटच्या वेळी 2016 मध्ये फिटमेंट फॅक्टर वाढवण्यात आला होता. त्याच वर्षी सातवा वेतन आयोग लागू करण्यात आला. यासंदर्भातील मीडिया रिपोर्ट्सनुसार, महागाईच्या या युगात डीए वाढवण्यासोबतच फिटमेंट फॅक्टर वाढविण्याचा सरकार गंभीरपणे विचार करत आहे. याशिवाय सरकार केंद्रीय कर्मचार्‍यांचा डीए ५ टक्क्यांपर्यंत वाढवण्याचीही शक्यता आहे.

7th pay commission: केंद्रीय कर्मचाऱ्यांची दिवाळी; सरकार करणार प्रमोशन!

डीएमध्ये ५ टक्के वाढ होण्याची शक्यता आहे

सरकारने यावर्षी मार्च महिन्यातच कर्मचाऱ्यांच्या भत्त्यात तीन टक्क्यांनी वाढ केली होती. या वाढीनंतर केंद्रीय कर्मचाऱ्यांना मिळणारा डीए ३१ टक्क्यांवरून ३४ टक्के करण्यात आला आहे. यात पाच टक्क्यांनी वाढ झाल्यास केंद्रीय कर्मचाऱ्यांचा डीए ३४ टक्क्यांवरून ३९ टक्क्यांपर्यंत वाढेल. डीए वाढवण्याची घोषणा ३१ जुलैला होऊ शकते, असे बोलले जात आहे. मात्र, याबाबत सरकारकडून अद्याप कोणतेही वक्तव्य आलेले नाही.

Spider Plant: घरी लावा स्पायडर प्लांट; 'या'' मोठ्या समस्यांपासून मिळवा मुक्ती

येथे पगाराची गणना समजून घ्या
सरकारने कर्मचाऱ्यांचा डीए ३४ टक्क्यांवरून ३९ टक्के केल्यास पगारात मोठी वाढ होणार आहे. सध्या जर एखाद्या कर्मचाऱ्याचा मूळ पगार 18,000 रुपये असेल तर 34 टक्क्यांनुसार त्याचा महागाई भत्ता 6,120 रुपये होतो. आता तो 39 टक्के झाला तर कर्मचाऱ्यांना 7,020 रुपये महागाई भत्ता मिळेल. सरकारी कर्मचाऱ्यांना मिळणारा डीए हा त्यांच्या आर्थिक सहाय्य वेतन संरचनेचा भाग आहे.