7th Pay Commission: केंद्र सरकार केंद्रीय कर्मचाऱ्यांवर मेहरबान असून पुन्हा एकदा त्यांच्या पगारात वाढ होणार आहे. महागाई भत्त्यात ४ टक्के वाढ केल्यानंतर केंद्रीय कर्मचाऱ्यांच्या पगारात पुन्हा एकदा मोठी वाढ होण्याचा मार्ग मोकळा झाला आहे.

डीए ३४ वरून ३८ टक्क्यांपर्यंत वाढवल्यानंतर केंद्रीय कर्मचाऱ्यांच्या भत्त्यात लवकरच वाढ होण्याची शक्यता आहे. केंद्रीय कर्मचाऱ्यांना एकाच वेळी चार भत्त्यांमध्ये वाढीचा लाभ मिळू शकतो.

सातव्या वेतन आयोगानुसार ३८ टक्के महागाई भत्ता मिळाल्यानंतर केंद्रीय कर्मचाऱ्यांचा प्रवास भत्ता आणि शहर भत्ताही वाढणार आहे. यासोबतच भविष्य निर्वाह निधी आणि ग्रॅच्युइटीही आपोआप वाढतील. केंद्रीय कर्मचार्‍यांचा मासिक पीएफ आणि ग्रॅच्युइटी मूळ वेतन आणि डीएमधून मोजली जाते.

7 वा वेतन आयोगाबाबत जाणून घ्या 5 महत्त्वाच्या गोष्टी; होणार फायदा

अशा परिस्थितीत डीए वाढल्याने पीएफ आणि ग्रॅच्युइटीही वाढण्याची खात्री आहे. इतकेच नाही तर डीए वाढल्याने केंद्रीय कर्मचाऱ्यांचा घरभाडे भत्ता (HRA)ही वाढणार आहे. ही वाढ ३ टक्क्यांपर्यंत असू शकते, असे सांगण्यात येत आहे.

28 सप्टेंबर 2022 रोजी केंद्र सरकारने केंद्रीय कर्मचाऱ्यांच्या महागाई भत्त्यात (DA) 4 टक्क्यांनी वाढ केली होती. त्यामुळे केंद्रीय कर्मचाऱ्यांचा डीए ३४ वरून ३८ टक्के झाला आहे.

मोठी बातमी: राज्यातील 'हा' साखर कारखाना देणार एकरकमी FRP

केंद्रीय कर्मचारी आणि पेन्शनधारकांना आता 38 टक्के दराने DA आणि DR मिळत आहे. केंद्र सरकारच्या या घोषणेचा थेट फायदा 50 लाख कर्मचारी आणि 65 लाख पेन्शनधारकांना झाला आहे.

18 महिन्यांच्या थकबाकीसाठी केंद्रीय कर्मचारी संघटनांनी पुन्हा एकदा सरकारवर दबाव वाढवला आहे. पगार आणि भत्ता हा कर्मचाऱ्यांचा हक्क असून तो थांबवता येणार नाही, असा सर्वोच्च न्यायालयाचा निर्णय असल्याचे या लोकांचे म्हणणे आहे.

अशा परिस्थितीत जानेवारी 2020 ते जून 2021 या कालावधीतील डीएची थकबाकी भरण्यासाठी दबाव आहे. अशा परिस्थितीत केंद्रीय कर्मचाऱ्यांच्या डीएच्या थकबाकीबाबतही चांगली बातमी ऐकायला मिळते.

बापरे! कापायचं होतं बकरं मात्र गेला ३ वर्षांचा चिमुकला; गावावर शोककळा