कलिंगड हे सर्वसामान्य लोकांना परवडणारे, सर्व थरातील लोकांच्या पसंतीस उतरलेले वेलवर्गीय फळ, याला वर्षभरजरी  मागणीअसली तरीउन्हाळ्यामध्ये मोठ्या प्रमाणात मागणी असते. शहरी व ग्रामीण भागामध्ये कडक उन्हाळ्यात सतत लागणारी तहान शमविण्यासाठी कलिंगडाच्या फोडिंचा हमखास उपयोग होताना दिसतो.

अशा या वाढत्या मागणीचा विचार करता व कमी खर्चात, कमी पाण्यावरव अल्प कालावधीमध्ये येणारे पीक असल्यामुळे शेतकरी कलिंगडाची लागवड मोठ्या प्रमाणात करू लागला आहे.

 जाती

 शुगर बेबी,असाहीयामाटो,मधु,अर्का माणिक,अर्का ज्योती, मिलन,तृप्ती,मोहिनी, अमृत इ.

• शुगर बेबी:- फळांची साल गर्द हिरव्या रंगाची,कमी जाडीची असून हिरवट काळे रेखावृत्ता सारखे पट्टे असतात. गोडी जास्त असते.गरभडक लाल रंगाचा रवाळ व गोड असतो.महाराष्ट्रात मोठ्या प्रमाणात लागवड करतात.
• असाहीयामाटो :- फिकट हिरव्या रंगाची साल असून फळे मोठी असली तरी गोडी कमी असते वचवीस थोडे पांचट असते. त्यामुळे मागील 20 वर्षांपासून ही जात पडद्याआड गेली.
• मधु :- या संकरित जातीची फळे लंबगोल आकाराची असून फळांची साल गर्द हिरवी असते. फळांचे वजन सहा ते सात किलो भरते गरभरपूर व लाल असतो. या दशकात या जातीची मागणी बर्‍यापैकी होती.

• अर्का माणिक :- या जातीची फआकाराने मोठी, गोल असतात. फळांची साल गर्द हिरव्या रंगाची मध्यम जाड सालीची असते •मिलन :- लवकर तयार होणारी संकरीत जात असून फळे लंबगोल आकाराची असतात. फळाचे वजन सहा ते सात किलो भरते.
• अमृत :-महिको कंपनीची संकरित जात असून फळे मध्यम आकाराची किंचित लंबगोल असूनपाच ते सात किलो वजनाची असतात.फळांच्या सालीचा रंग गर्द हिरवा असतो.. फळांमध्ये बी कमी असते.

 संकरीत कलिंगड

• सुपर ड्रॅगन:-ही जात जोमदार व लवकर तयार होणारी असूनफळे धरण्याची क्षमता चांगली आहे. फळांचा आकार लांबट गोल असून फळाचे सरासरी वजन 8-10 किलो, सालीचा रंग फिकट हिरवा व त्यावर गर्द हिरवी पट्टे असून गरलाल किरमिजी व रवाळ आहे. दूरच्या बाजारपेठेत पाठविण्यासाठी अतिशय उत्कृष्ट वाण. ही जात मरफक्यूजॅरियम रोगास सहनशील आहे.

• ऑगस्टा:-ही जात जोमदार व लवकर तयार होणारे आहे. फळांचा आकार उभट गोल असून बाहेरील सालीचा रंग काळपट गर्द हिरवा आहे.फळाचे सरासरी वजन 6-10 किलो आहे. फळाचा गर आकर्षक लाल असून चवीला अतिशय गोड आहे. फळांमध्ये बियांचे प्रमाण कमी असून बियांचा आकार लहान आहे. दूरच्या बाजारपेठेत पाठविण्यासाठी अतिशय उत्कृष्ट वाण.
• बादशाह :- ही जात जोमदार व लवकर तयार होणारी असून फळे धरण्याची क्षमता चांगली आहे.फळ लांबट गोल आकाराचे गर्द हिरवे पट्टे असलेले फिकट हिरव्या सालीचे असून त्याचे सरासरी वजन 8 ते 10 किलो असते.फळातील गर अतिशय लाल, कुरकुरीत, रवाळ असून,चवीला गोड आहे. दूरच्या बाजारपेठेत पाठविण्यास योग्य आहे.
• शुगर किंग :-अतिशय जोमाने वाढणारी मजबूत वेल. फळे गोलाकार असून बाहेरील सालीचा रंग काळपट गर्द हिरवा आहे.

• फळाचा गर आकर्षक लाल असून चवीला गोड आहे.ही जात मर रोगास(फ्युजॅरियम) प्रतिकारक आहे. फळाचे सरासरी वजन 8-10किलो आहे.
• शुगर क्वीन :-या जातीच्या फळांची साल गडद हिरव्या रंगाची,गर लाल व कुरकुरीत असतो. फळांमध्ये साखरेचे प्रमाण 12 ते 14 टक्के असते. तसेच या जातीमध्ये चांगली फळधारणा होते. ही जात लांब वाहतुकीसाठी उपयुक्त आहे आणि फळांची टिकवणक्षमता पण जास्त आहे.