पुणे 

राज्यात सध्या पावसाने विश्रांती दिली आहे. आज (दि.७) रोजी कोकणातील तुरळक भागात जोरदार पावसाची शक्यता आहे.उर्वरित राज्यात ढगाळ वातावरण आहे.

येत्या ४ ते ५ दिवसांत राज्यात कुठेही तीव्र पावसाचा इशारा हवामान खात्याने दिला नाही.तसंच या दिवसात हलका ते मध्यम पाऊस असण्याची शक्यता आहे.

दरम्यान, राज्यात मुख्य:त पावसाने उघडीप दिली आहे. त्यामुळे सध्या राज्यात ऊन-सावल्यांचा खेळ सुरु आहे. आज कोकणातील पालघर, ठाणे जिल्ह्यात तुरळक ठिकाणी जोरदार सरींची शक्यता आहे. उर्वरित राज्यात ढगाळ हवामानासह हलक्या पावसाचा अंदाज हवामान विभागाने वर्तविला आहे.