हेमंत मनोहर पेडणेकर हे महावितरणमध्ये अभियंता म्हणून कार्यरत होते. त्यांना जरबेरा फुलशेतीतून उदरनिर्वाहाचा मार्ग सापडला आहे. यातून त्यांना वर्षाला सरासरी सात ते आठ लाख रुपयांचे उत्पन्न मिळत आहे. त्यांनी घेतलेला मार्ग तरुणांसाठी प्रेरणादायी आहे. पेडणेकर यांनी महावितरणाच्या नोकरीचा राजीनामा दिला आणि इलेक्ट्रिकल कॉन्ट्रॅक्टर म्हणून काम करायला सुरुवात केली.

आत्मिक समाधानासाठी त्यांनी शेतीचा मार्ग निवडला. जेऊर (ता. आजरा) येथे त्यांनी पाच वर्षांपूर्वी साडेसोळा एकर पडीक जमीन घेतली. जमिनीत नैसर्गिक संतुलन राखून त्यांनी शेतीसाठी जमीन निर्माण केली. पेडणेकर यांनी दोन शेततळे उभारून विविध पिके घेत आहेत. काजू, आंबा, चिकू, पेरू यांसारखी फळे, तसेच जायफळ, मिरी, लवंग यांसारखे मसाले पिकवले जातात.

मोकळ्या जागेत भात, नागली, भुईमूग ही पिके उगवत आहेत. पांडुरंग फंडकर फलोत्पादन योजनेतून फळपिकांची लागवड करण्यात आली असून वनीकरणातून अडीच हजार जंगली झाडेही लावण्यात आली आहेत. त्यांनी शेतात दहा गुंठे जागेवर हरितगृह उभारले आहे. ग्रीन हाऊसमध्ये दोन वर्षांपूर्वी सहा हजार जरबेरियाची रोपे लावण्यात आली होती. गेल्या दीड वर्षांपासून ते यातून कमाई करत आहेत. दररोज एक हजार ते बाराशे फुले तोडली जातात.

यामुळे आठ मजुरांना रोजगार उपलब्ध झाला आहे. आजरा आणि गडहिंग्लजच्या स्थानिक बाजारपेठेत फुलांची विक्री होते. मुंबई आणि हैदराबाद येथील बाजारपेठांमध्येही हे फुले पाठवण्यात येत आहेत. स्थानिक बाजारपेठेत प्रति फुलाचा भाव चार ते पाच रुपये आहे. मुंबई आणि हैदराबादमध्ये 3 रुपये ते 12 रुपये प्रति फुलांच्या किंमती आहेत. स्थानिक बाजारपेठेत किंमती स्थिर आहेत आणि मेट्रो शहराच्या बाजारपेठेत चढ-उतार होतात.

या पिकाची खते, औषधे, कीटकनाशके, टॉनिक यांचे व्यवस्थापन अत्याधुनिक पद्धतीने केले जाते. पाण्याचे व्यवस्थापनही काटेकोरपणे केले जाते. ही शेती व्यावसायिक पद्धतीने केली जात आहे. यातून त्यांना सुमारे ४ लाख रु. चे निव्वळ वार्षिक उत्पन्न मिळते.

महत्वाच्या बातम्या 
धरण मोबदल्यात कोट्यावधींचा घोटाळा! शेतकऱ्यांच्या जागी बोगस व्यक्ती; तहसिलदारही अटकेत
बीड जिल्ह्यातील गाव रेशीम उत्पादनातून कसे झाले समृद्ध?