PM Kisan Scheme : खोटी माहिती देऊन फायदा घेणाऱ्यांवर होणार कायदेशीर कारवाई

14 April 2020 01:27 PM


अल्पभूधारक शेतकऱ्यांना आर्थिक मदत व्हावी यासाठी केंद्र सरकारने पंतप्रधान नरेंदी मोदी यांनी किसान सम्मान निधी योजना ( शेतकरी सन्मान निधी योजना) ची सुरुवात केली आहे.   दरम्यान या योजनेचा लाभ अनेक शेतकरी घेत असून आतापर्यंत ९ कोटी शेतकऱ्यांनी यासाठी रजिस्ट्रेशन केले आहे. देशातील १४.५ कोटी शेतकऱ्यांना या योजनेशी जोडण्याचे लक्ष्य सरकारचे आहे.  या योजनेतून सरकार शेतकऱ्यांच्या बँक खात्यात वर्षाला ६ हजार रुपये जमा करत असते. ही राशी शेतकऱ्यांना तिन हफ्त्यात मिळते.  सरकारने  ठरविलेल्या नियमांनुसार योजनेचा लाभ शेतकरी घेऊ शकतात.  काही शेतकरी नियमात न बसता खोटी माहिती देऊन या योजनेचा लाभ घेत आहेत.  अशा शेतकऱ्यांवर कठोर कारवाई केली जाणार आहे.

बँक खात्यातील पैसे परत घेतल्यानंतर होणार शिक्षा

मिळालेल्या माहितीनुसार, पंतप्रधान शेतकरी सन्मान योजनेच्या अधिकृत संकेतस्थळानुसार, जर कोणी चुकीची किंवा खोटी माहिती देऊन या योजनेचा फायदा घेत असेल. आणि नंतर पकडला जाईल तर त्यांच्या खात्यात ट्रांसफर करण्यात आलेले पैस परत घेतले जातील. त्यानंतर फसवणूक केल्याप्रकरणी त्यांच्यावर कायदेशीर कारवाई केली जाईल.

या योजनेत न बसणारे शेतकरी

  • शेत जमीन दुसऱ्या कामासाठी वापरणारे शेतकरी या योजनेसाठी पात्र नाहीत.
  • संवैधानिक पदावर असल्यास, म्हणजे भूतकाळात किंवा वर्तमान काळात संवैधानिक पदावर कार्यरत असल्यास ती व्यक्ती या योजनेचा लाभ घेऊ शकत नाही.
  • केंद्र किंवा राज्य सरकारमध्ये अधिकरी असल्यास किंवा १० हजार रुपयांपेक्षा अधिकची पेन्शन घेणारे शेतकरी या योजनेचा लाभ नाही घेऊ शकत.
  • डॉक्टर, इंजिनिअर, सीएम, वकील यांनाही या योजनेचा लाभ घेता येणार नाही.
  • जे शेतकऱी इनकम टॅक्स भरतात ते शेतकरी पण योजनेसाठी अपात्र आहेत.

कसा करणार योजनेसाठी अर्ज - योजनेची नोंदणी करण्यासाठी अनेक पर्याय आहेत. भारत सरकारचे संकेतस्थळ www.pmkisan.gov.in/ वर जाऊन नोंदणी करू शकता.  किंवा https://www.pmkisan.gov.in/RegistrationForm.aspx येथे आपण नोंदणी आणि अर्ज भरून आपली नोंदणी करु शकता.  याशिवाय तुम्ही राज्य सरकार द्वारे नियुक्त करण्यात आलेल्या पीएम - योजनेच्या नोडल अधिकाऱ्यासी संपर्क करु शकता. किंवा आपल्याजवळील सामान्य सेवा केंद्रावर जाऊन आपला अर्ज करू शकता.

पीएम - किसान (PM Kisan Scheme) योजनेसाठी कोणते कागदपत्र लागतात

  • आधार कार्ड
  • बँक खाते
  • सातबारा उतारा
  • रहिवाशी प्रमाणपत्र

आपली नोंदणी झाल्यानंतर शेतकऱ्यांनी www.pmkisan.gov.in/ या संकेतस्थळावर जाऊन आपल्या अर्जाची, देयक आणि इतर तपशीलाचा माहिती वेळोवेळी माहिती घेतली पाहिजे.

PM Kisan Scheme action on false beneficiaries PM-KISAN पीएम-किसान पंतप्रधान शेतकरी सन्मान निधी पीएम किसान योजनेचा फसवणूक करणाऱ्यांवर होणार कारवाई मोदी सरकार modi government
English Summary: PM Kisan Scheme : action taken against who give false information for benefits

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.