Soybean Price News : वाशिम जिल्ह्यातील कारंजा बाजारात सोयाबीनच्या भावाने नवा विक्रम केला आहे. 20 मे रोजी किमान दर 4175 रुपये प्रति क्विंटल होता जो एमएसपीपेक्षा कमी आहे. परंतु कमाल आणि सरासरी दर 2021 मधील कमाल किंमत 11 हजार रुपये प्रति क्विंटलपेक्षा जास्त होती. महाराष्ट्र कृषी पणन मंडळानुसार कमाल भाव 12515 रुपये तर सरासरी भाव 12400 रुपये प्रति क्विंटल होता. आवक चार हजार क्विंटल झाल्याचे मंडळाचे म्हणणे आहे. सोयाबीनची एमएसपी 4600 रुपये प्रति क्विंटल निश्चित करण्यात आली आहे. 2021 आणि 2022 प्रमाणे यंदाही सोयाबीनचे भाव वाढतील, अशी आशा राज्यातील शेतकऱ्यांना आहे.

सांगलीच्या बाजार समितीत 20 मे रोजी सोयाबीनला एमएसपीपेक्षा जास्त भाव मिळाला. याठिकाणी 50 क्विंटल सोयाबीनची आवक झाल्याचे मंडळाचे म्हणणे आहे. आवक कमी असल्याने किमान भाव 4600 रुपये, कमाल 5200 रुपये आणि सरासरी भाव 4900 रुपये प्रतिक्विंटल राहिला. उर्वरित बाजारपेठेत शेतकऱ्यांना अजूनही कवडीमोल भावाने सोयाबीन विकावे लागत आहे. महाराष्ट्र हा देशातील दुसऱ्या क्रमांकाचा सोयाबीन उत्पादक आहे.

2021 आणि 2022 मध्ये सोयाबीनची किंमत 8000 ते 11000 रुपये प्रति क्विंटल होती. परंतु नंतर त्याची किंमत खूपच कमी झाली. गेल्या वर्षीही शेतकऱ्यांना रास्त भाव मिळाला नाही. तर सोयाबीन हे कडधान्य-तेलबिया आणि नगदी पीक आहे. इंदूर-स्थित सोयाबीन संशोधन केंद्राच्या शास्त्रज्ञांच्या मते, देशातील एकूण तेलबिया पिकांमध्ये सोयाबीनचा वाटा 42 टक्के आणि एकूण खाद्यतेल उत्पादनात 22 टक्के आहे.

दरम्या काल (दि.20) रोजी वरोरा बाजार समितीत 644 क्विंटल सोयाबीनची आवक झाली. येथे सोयाबीनचा किमान भाव 4200 रुपये, कमाल भाव 4479 रुपये आणि सरासरी भाव 4451 रुपये प्रति क्विंटल होता. तुळजापूर बाजारात सोयाबीनचा किमान भाव 4500 रुपये, कमाल 4500 रुपये होता.  अचलपूर बाजारात 192 क्विंटल सोयाबीनची आवक झाली. येथे किमान 4300 रुपये, कमाल 4400 रुपये आणि सरासरी भाव 4350 रुपये प्रति क्विंटल होता.