Kolhapur News : कोल्हापूर आणि सांगली जिल्ह्यातील सर्व साखर कारखान्यांन विरोधात राजू शेट्टी यांनी आत्मक्लेष पदयात्रा सुरू केली आहे. या यात्रेला आज (दि.१७) पासून सांगलीतीलशिरोळ तालुक्यामधील दत्त कारखान्यापासून सुरुवात करण्यात आली आहे. आत्मक्लेश आंदोलन एकूण २२ करण्यात येणार असून या दरम्यान राजू शेट्टी ५२२ किलोमीटरचा प्रवास करणार आहेत. यावेळी ते शतकऱ्यांच्या समस्या आणि त्यांचे प्रश्न जाणूुन घेणार आहेत. यासोबतच स्वाभिमानी शेतकरी संघटनेची २२ वी ऊस परिषदही देखील पार पडणार आहे.

स्वाभिमानी शेतकरी संघटनेकडून २२ दिवस ५२२ किलोमीटर पदयात्रा असणार आहे. जिल्ह्यातील साखर कारखान्यांनी गतवर्षीच्या हंगामातील ४०० रुपयांचा हप्ता दिल्याशिवाय कारखाना सुरु केला दिला जाणार नाही, असा इशारा यावेळी शेट्टी यांनी दिला आहे. 

प्रहार संघटनेचे अध्यक्ष आणि आमदार बच्चू कडू यांनी स्वाभिमानी शेतकरी संघटनेचे अध्यक्ष राजू शेट्टी यांची सांगली येथे भेट घेतली आहे. यावेळी कडू यांनी या पदयात्रेला पाठिंबा दिला आहे.