1. बातम्या

महाराष्ट्रात प्रधानमंत्री पीक विमा योजनेसाठी 2 कोटींहून अधिक नोंदणी

KJ Staff
KJ Staff


नवी दिल्ली:
प्रधानमंत्री पीक विमा योजनेअंतर्गत गेल्या दोन वर्षात देशभरातील 10 कोटी 91 लाख 44 हजार 982 शेतकऱ्यांनी नोंदणी केली आहे. देशात सर्वात जास्त महाराष्ट्रातील 2 कोटी 21 लाख 38 हजार 607 शेतकऱ्यांनी नोंदणी केली आहे.

शेतकऱ्यांनी कष्टाने पिकविलेल्या पिकांचे नैसर्गिक आपत्तीने होणारी नुकसान भरपाई देण्यासाठी केंद्रीय कृषी व शेतकरी कल्याण मंत्रालयाच्यावतीने देशभर 2016 च्या खरीप हंगामापासून प्रधानमंत्री पीक विमा राबविण्यात येत आहे. या योजनेच्या अंमलबजावणीतील आकडेवारीनुसार महाराष्ट्रात सर्वाधिक शेतकऱ्यांनी पीक विम्यासाठी नोंदणी केल्याची माहिती कृषी व शेतकरी कल्याण मंत्रालयाने संसदेत सादर केलेल्या माहितीत पुढे आली आहे

2016-17 मध्ये 1 कोटी 20 लाख नोंदणी

प्रधानमंत्री पीक विमा योजनेची खरीप हंगाम 2016 मध्ये सुरुवात झाली यावेळी राज्यातील 1 कोटी 9 लाख 97 हजार 398 शेतकऱ्यांनी नोंदणी केली याच हंगामात देशभरातील 27 राज्य व केंद्रशासीत प्रदेशातील एकूण 4 कोटी 2 लाख 58 हजार 737 शेतकऱ्यांनी नोंदणी केली होती.

2016-17 च्या रब्बी हंगामात राज्यातील 10 लाख 8 हजार 532 शेतकऱ्यांनी नोंदणी केली होती तर याच हंगामात देशातील एकूण 1 कोटी 70 लाख 56 हजार 916 शेतकऱ्यांनी नोंदणी केली. महाराष्ट्रात 2016 खरीप आणि 2016-17 च्या रब्बी हंगामात एकूण 1 कोटी 20 लाख 5 हजार 930 शेतकऱ्यांनी नोंदणी केली.

2017-18 मध्ये 1 कोटी 1 लाख नोंदणी

राज्यात 2017 खरीप आणि 2017-18 च्या रब्बी हंगामात एकूण 1 कोटी 1 लाख 32 हजार 677 शेतकऱ्यांनी प्रधानमंत्री पीक विमा योजनेसाठी नोंदणी केली होती. 2017 च्या खरीप हंगामात राज्यातील 87 लाख 68 हजार 211 शेतकऱ्यांनी नोंदणी केली तर देशभरातील 27 राज्य व केंद्रशासित प्रदेशातील एकूण 3 कोटी 47 लाख 76 हजार 55 शेतकऱ्यांनी या हंगामात नोंदणी केली. 2017-18 च्या रब्बी हंगामात राज्यातील 13 लाख 64 हजार 466 शेतकऱ्यांनी नोंदणी केली होती तर याच हंगामात देशातील एकूण 1 कोटी 70 लाख 53 हजार 274 शेतकऱ्यांनी नोंदणी केली.

Like this article?

Hey! I am KJ Staff. Did you liked this article and have suggestions to improve this article? Mail me your suggestions and feedback.

Share your comments

आमच्या न्यूसलेटरचे सदस्य व्हा. शेती संबंधीत देशभरातील आताच्या बातम्या मेलवर वाचण्यासाठी आमच्या न्यूसलेटरची सदस्यता घ्या.

Subscribe Newsletters