सध्या देशातील जनता कडाक्याच्या उन्हाचा सामना करत असून मान्सूनची (Mansoon) मोठ्या आतुरतेने वाट पाहत आहे. शेतकरी बांधव (Farmers) देखील चातकाप्रमाणे मान्सूनची प्रतीक्षा करत आहेत. आता ताजी बातमी अशी आहे की, अनेक राज्यांमध्ये मान्सूनपूर्व (Pre Mansoon Rain) हालचाली सुरू झाल्या आहेत आणि भारतीय हवामानशास्त्र विभागाच्या (IMD) मते, या काळात विविध राज्यांमध्ये पाऊस पडण्याची शक्यता आहे.

नैऋत्य मान्सून श्रीलंकेच्या दिशेने सरकला असून आता केरळकडे वाटचाल सुरु झाली आहे. दरम्यान, अनेक राज्यांमध्ये भारतीय हवामान विभागाने (Indian Meteorological Department) पावसाचा इशारा देण्यात आला आहे. यापूर्वी, IMD ने 16 मे रोजी अंदमान आणि निकोबार बेटांवर मान्सून सुरू होण्याची घोषणा केली होती. दक्षिण अरबी समुद्र आणि लक्षद्वीपच्या काही भागात मान्सून पुढे सरकला आहे.

भारतीय हवामान विभागाचे अधिकारी आरके जेनामानी यांच्या मते, मान्सूनच्या आगाऊ स्थितीसाठी अनुकूल परिस्थिती आहे. आता केरळमध्ये एक-दोन दिवसांत मान्सूनचा पाऊस (Mansoon Rain) पडण्याची शक्यता आहे. यामुळे निश्चितच महाराष्ट्रातील शेतकऱ्यांसाठी देखील ही एक आनंदाची बाब आहे.

मित्रांनो आम्ही तुमच्यासाठी सांगू इच्छितो की, केरळ मध्ये मान्सून दाखल झाल्यानंतर अवघ्या चार दिवसात महाराष्ट्राच्या तळ कोकणात दाखल होत असतो. यामुळे येत्या सहा सात दिवसात मान्सून हा महाराष्ट्रात दाखल होणार असल्याचा अंदाज वर्तवला जात आहे.

स्कायमेट या खाजगी हवामान अंदाज वर्तवणा-या संस्थेनुसार, दक्षिण अरबी समुद्र, संपूर्ण मालदीव, लक्षद्वीप आणि कोमोरिन प्रदेशातील आणखी काही भागांमध्ये नैऋत्य मान्सून पुढे जाण्यासाठी परिस्थिती अनुकूल आहे.

मित्रांनो स्कायमेट हवामानानुसार, पुढील 24 तासांत, ईशान्य भारत, तामिळनाडू, केरळ, लक्षद्वीप, अंदमान आणि निकोबार बेटे, उप-हिमालयीन पश्चिम बंगाल आणि सिक्कीमच्या काही भागात हलका ते मध्यम पाऊस पडण्याची शक्यता आहे. तर पश्चिम हिमालय आणि दक्षिण आणि किनारी कर्नाटकच्या काही भागात हलका ते मध्यम पाऊस पडण्याची शक्यता आहे.

IMD नुसार, बिहार, झारखंड, ओडिशा, छत्तीसगड, उत्तर प्रदेश, पूर्व मध्य प्रदेश आणि तेलंगणा आणि आंध्र प्रदेशच्या काही भागात हलका पाऊस पडण्याची शक्यता आहे. त्याच वेळी, ईशान्य राजस्थान, दिल्ली आणि उत्तर प्रदेशच्या हरियाणाच्या काही भागात धुळीचे वादळ आणि मेघगर्जनेसह पाऊस पडण्याची शक्यता आहे. दरम्यान 10 जूनला महाराष्ट्रात पाऊस कोसळणार असल्याचे भाकीत वर्तवलं गेलं आहे.