Budget 2024 News : पीएम किसान सन्मान योजनेंतर्गत दरवर्षी ११.८ कोटी शेतकऱ्यांना थेट आर्थिक मदतीचा लाभ जात आहे. ज्यात अल्पभूधारक आणि लहान शेतकऱ्यांचा समावेश आहे. पीएम फसल विमा योजनेअंतर्गत ४ कोटी शेतकऱ्यांना पीक विमा देण्यात आला आहे. त्यामुळे शेतकऱ्यांना अन्न उत्पादनासाठी मदत होणार आहे, असं केंद्रीय अर्थमंत्री निर्मला सीतारामन यांनी म्हटले आहे. सीतारामन आज (दि.१) रोजी देशाचा अर्थसंकल्प सादर करत आहेत.

पुढे सीतारामन म्हटल्या की, पीएम समृद्धी योजनेमुळे ७८ लाख रस्त्यावरील विक्रेत्यांना क्रेडिट सहाय्य प्रदान केले आहे. त्यापैकी एकूण २.३ लाखांना तिसऱ्यांदा क्रेडिट मिळाले आहे. तसंच पीएम जनमन योजना विशेषत: असुरक्षित आदिवासी गटांपर्यंत पोहोचत आहे. यामुळे पीएम विश्वकर्मा योजना कारागीर आणि कारागीरांना शेवटपर्यंत मदत सरकारच्या माध्यमातून पोहचत आहे. तर दिव्यांग आणि ट्रान्सजेंडर लोकांच्या सक्षमीकरणाची योजनेपासून कोणालाही मागे न ठेवण्याचा आमचा संकल्प आहे, असं अर्थमंत्री म्हणाल्या.

दरम्यान, पीएम जनधन बँक खाते वापरून मोठी बचत झाली आहे. यामुळे सर्वसामान्यांना बचतीमुळे गरीबांच्या कल्याणासाठी अधिक निधी उपलब्ध करून देण्यात मदत झाली आहे. तसंच विकसित भारताचे व्हिजन म्हणजे समृद्ध भारत, निसर्गाशी सुसंगत, आधुनिक पायाभूत सुविधा आणि सर्वांना त्यांच्या क्षमतेपर्यंत पोहोचण्यासाठी संधी उपलब्ध करून देणे आहे. पुढील पाच वर्षे अभूतपूर्व विकासाची वर्षे असतील आणि २०४७ पर्यंत विकसित भारताचे उद्दिष्ट पूर्ण करण्यासाठी सोनेरी क्षण असतील. तसंच सब का प्रयास द्वारे समर्थित लोकशाही, लोकसंख्या आणि विविधता या त्रिमूर्तीमध्ये प्रत्येक भारतीयांच्या आकांक्षा पूर्ण करण्याची क्षमता आहे, असं अर्थमंत्री यांनी म्हटले आहे.