कोकणात जोरदार पावसाचा अंदाज

31 August 2020 07:43 AM By: भरत भास्कर जाधव


गेल्या काही दिवसात राज्यातील काही भागात जोरदार पाऊस झाला. आता मात्र पावसाचा जोर ओसरणार असल्याचे सांगितले जात आहे. आज कोकणातील काही भागात जोरदार पाऊस पडेल, तर उद्यापासून कोकणासह संपूर्ण राज्यात पावसाची उघडीप असेल. दरम्यान काही भागात हलका पाऊस होण्याचा अंदाज हवामान विभागाने वर्तवला आहे. मध्य प्रदेशाच्या पश्चिम भाग ते राजस्थानच्या पूर्व भाग दरम्यान कमी दाबाचे क्षेत्र आहे.

या क्षेत्राची तीव्रता कमी होऊ लागली आहे. तसेच राजस्थानच्या भागात काही प्रमाणात चक्राकार वाऱ्याची स्थिती आहे. ही स्थिती समुद्रसपाटीपासून ७.६ किलोमीटर उंचीवर आहे. याशिवाय मॉन्सूनचा आस असलेला पट्टा राजस्थानमधील जैसलमेरपासून ते नागालँण्ड पर्यंत सक्रिय आहे. दक्षिण उत्तर तमिळनाडू ते कोमोरिन परिसर व रायलसीमाच्या दरम्यान कमी दाबाचा पट्टा सक्रिय आहे. याचा परिणाम राज्यातील हवामानावर झाला आहे. राज्यातील पुढील काही दिवस तुरळक ठिकाणी हलक्या सरी पडतील अनेक ठिकाणी ढगाळ हवामान तसेच पावसाची उघडीप असेल तर कोकणात काही ठिकाणी हलका ते मध्यम पावसाची शक्यता आहे. मध्य महाराष्ट्र, मराठवाडा व विदर्भात ढगाळ हवामानासह काही प्रमाणात ऊन पडणाच्या अंदाज हवामान विभागाने वर्तवला आहे.

दरम्यान विदर्भात यंदा चांगला पाऊस होत आहे. रविवारी पावसाने विदर्भात उडीप घेतली. मात्र मध्य प्रदेशातील तुडुंब भरलेल्या प्रकल्पांमधून तसेच विदर्भातील काही प्रकल्पांमधून सातत्याने पाण्याचा विसर्ग होत असल्याने पूर्व विदर्भातील बहुतांश नद्यांना पूर आला आहे. याचा फटका भंडारा, गोंदिया, नागपूर, चंद्रपूर जिल्ह्यांना बसला असून या भागात गंभीर पूरस्थिती निर्माण झाली आहे. संततधार पावसामुळे नागपूर जिल्ह्यात नवेगाव खैरी तसेच तोतलाडोह प्रकल्पाचे अनुक्रमे १६ ते १४ दरवाजे उघडण्यात आले. परिणामी नदीकाठावरील २५ गावांना पुराचा वेढा पडला. त्यामुळे २९०७ कुटुंबातील ११०६४ व्यक्ती बाधित झाले.

Marathwada central maharashtra Cloudy weather ढगाळ हवामान मध्य महाराष्ट्र मराठवाडा heavy rainfall konkan कोकण मॉन्सून मॉन्सून पाऊस Monsoon monsoon rain
English Summary: Heavy rain forecast in Konkan

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.