नवी दिल्ली-  पंतप्रधान नरेंद्र मोदींना (PM Narendra modi) मिळालेल्या भेटवस्तूंची ई- लिलाव प्रक्रिया सध्या सुरू आहे. ऑलम्पिक सुवर्णपदक विजेता नीरज चोप्राच्या भाल्यावर सर्वाधिक बोली लावण्यात आली आहे.  सांस्कृतिक मंत्रालय मार्फत पंतप्रधानांना मिळालेल्या भेटवस्तूंची ऑनलाईन लिलाव प्रक्रिया राबविली जाते. यामध्ये सर्व विजेत्यांना मिळालेल्या पदकांचा लिलाव करून त्याची बोली ठरवली जाते.

टोकियो ऑलम्पिक सुवर्णपदक विजेता नीरज चोप्रा याने पंतप्रधान मोदी यांना भाला भेट दिला होता. भाल्यावर नीरज चोप्रा याची स्वाक्षरी होती. सर्वाधिक 1.5 कोटी रुपयांची बोली त्यावर लावण्यात आली होती. भवानी देवी यांनी स्वाक्षरी केलेल्या तलवारीवर देखील सव्वा कोटी रुपयांची बोली लावण्यात आली.

नीरज सोबतच अन्य खेळाडूंनीही भेटवस्तू पंतप्रधानांना भेट दिल्या होत्या. बॅडमिंटनपटू पी.व्ही.सिंधू आणि भवानी देवी यांच्यासह अन्य खेळाडूंचा भेट देणाऱ्या खेळाडूंच्या यादीत समावेश होता.