शेतकरी बांधवांसाठी शेती हेच जगण्याचे साधन आहे. भारतीय अर्थव्यवस्थेत शेती व्यवसायाचे महत्व अधिक आहे. त्यामुळे देशविकासासाठी शेती व्यवसायाचा विकास तितकाच महत्वाचा आहे. शेतकऱ्यांचे जीवनमान सुधारावे यासाठी सरकार प्रयत्नशील असते. मात्र असं असला तरी देशातील शेतकरी बंधूना शेतीबाबत अनेक समस्या भेडसावत आहेत.

सध्या महाराष्ट्रात कांद्याला कवडीमोल भाव मिळत आहे. भाव कमी असल्याने शेतकरी बांधव कांदा फुकटातच वाटून टाकत आहे. तर दुसरीकडे काही शेतकरी बांधव बळजबरीने त्यांचे पीक जनावरांना चारत असल्याचे चित्र समोर आले आहे. महाराष्ट्रातील वाशिम जिल्ह्यात रहिवासी असणाऱ्या शेतकरी रितेश पदर यांनी सुमारे दीड एकर शेतजमिनीत कांद्याची लागवड केली.

त्यातून त्यांना सुमारे दीडशे क्विंटल कांद्याचे उत्पादन मिळाले मात्र कवडीमोल भावामुळे त्याला या उत्पादनाचा काहीच फायदा झाला नाही. शेतकऱ्याच्या म्हणण्यानुसार, एवढे चांगले उत्पादन येऊनही काहीच फायदा नाहीये. कारण कांद्याला हवा तसा भावच मिळत नाही. त्यामुळे शेतकरी कांद्याचे भाव वाढण्याची प्रतीक्षा करू लागले आहेत.

मात्र यावेळी जास्त उष्णतेमुळे कांद्याचे पीक वेळेपूर्वीच सडू लागले आहे. त्याचा परिणाम असा झाला की, आता ना कोणी व्यापारी कांदा खरेदी करायला तयार आहे ना कोणी कांदा खरेदी करत आहे. शेतकरी रितेशचे म्हणणे आहे की, अनेकांनी फुकटात कांदा देण्याची मागणी केली, पण फुकटातही रितेशचा कांदा घेण्यासाठी कोणीही पुढे येत नव्हते. त्यामुळे रितेशला कांद्याचे पीक जाळावे लागले.

ऊसतोड मजुरांवर गोळीबार करणारा अटकेत; घटनेने राज्यात खळबळ

पुढे रितेशने असेही सांगितले की, तो त्याच्या जनावरांना म्हणजे शेळ्या-मेंढ्यांना चारा म्हणून भरपूर कांदे देतो. कांद्याच्या कमी भावाबाबत शेतकरी रितेश सांगतात की, कांदा घेऊन बाजारात गेल्यावर व्यापारी 1 ते 3 रुपये प्रतिकिलो या भावानुसार कांदा खरेदी करत आहेत. त्यामुळे कांदा उत्पादक शेतकऱ्यांवर एका मागून एक संकटांची मालिका चालूच आहे.

महत्वाच्या बातम्या:
हम भी किसी से कम नहीं; नंदूरबारच्या वन मॅन आर्मी महिला शेतकऱ्याची लाखोंची कमाई
पुणतांबामध्ये इतिहासाची पुनरावृत्ती होणार; आता शेतकरी घडवणार इतिहास