मुंबई: किमान आधारभूत किंमत योजनेंतर्गत हंगाम 2018-19 मध्ये मूग आणि उडीद नोंदणीसाठी 15 दिवसांची मुदतवाढ देण्यात आली आहे. शेतकऱ्यांना दि. 15 नोव्हेंबर 2018 पर्यंत नोंदणी करता येईल, अशी माहिती पणनमंत्री सुभाष देशमुख यांनी दिली.
याआधी मूग, उडीद नोंदणीसाठी दि. 24 ऑक्टोबर 2018 आणि सोयाबीन नोंदणीसाठी 31 ऑक्टोबर 2018 पर्यंत मुदत होती. यात बदल करुन मूग, उडीद आणि सोयाबीन नोंदणीसाठी शेतकऱ्यांना किमान आधारभूत किंमत योजनेंतर्गत आता दि. 15 नोव्हेंबर 2018 पर्यंत नोंदणी करता येणार आहे, असेही श्री. देशमुख यांनी यावेळी सांगितले.
Published on: 25 October 2018, 07:05 IST