देशातील मसाल्यांचे उत्पादन कमी झाल्यामुळे जीराच्या किमती दरवर्षी अभूतपूर्व ७२ % वाढून विक्रमी उच्चांकावर पोहोचल्या आहेत, कारण अनेक शेतकरी अधिक किफायतशीर पिकांकडे वळले आहेत.  भारतातील उत्पादन कमी झाल्यास याचा जागतिक किमतीवर परिणाम होईल. कारण भारत जिऱ्याचा सर्वात मोठा उत्पादक देश आहे, असे व्यापाऱ्यांनी सांगितले. 

गुजरातमधील उंझा मंडी येथे एप्रिलमध्ये मसाला वस्तूंच्या किमती २१५  रुपये प्रति किलोच्या वर गेल्या,  हा मसाला वस्तूंच्या व्यापारातील सर्वात मोठा उच्चांक आहे. यावर्षी जिऱ्याचे भाव उच्चांकावर आहेत, असे कृषी उत्पन्न बाजार समिती (एपीएमसी) उंझा चे उपाध्यक्ष अरविंद पटेल यांनी सांगितले. याबाबत द इकॉनॉमिक टाइम्स या वृत्तपत्राने वृत्त प्रसिद्ध केले आहे. एका CRISIL अहवालात म्हटले आहे की, "मार्च आणि एप्रिल मध्ये मंडीतील किमती अनुक्रमे ४७% आणि ७२% वर्षानुवर्षे वाढल्या." "उंझा मंडईतील किमती मार्चमध्ये १८० रुपये प्रति किलो वरून या महिन्यात सुमारे २१५ रुपये प्रति किलोपर्यंत वाढल्या आहेत," असे CRISIL अहवालात म्हटले आहे. गेल्या वर्षी जिराचा भाव १२० ते १२५ रुपये किलो होता.

“गुजरातमधील उंझा मंडी भारतातील जिऱ्याची आवकापैकी ४०% आहे, मार्च २०२२ मध्ये आवक ६०% कमी झाली आहे. एप्रिल मधील आवक वर्षभरात ३८% वाढ दर्शविते. गेल्या वर्षीचा सर्वात कमी आधार जेथे एप्रिलच्या उत्तरार्धात साथीच्या आजाराच्या दरम्यान कोणतीही आवक नव्हती,” असे अहवालात म्हटले आहे २०२२ मध्ये एकूण जिऱ्याचे उत्पादन वार्षिक ३५% कमी होऊन ५५८ दशलक्ष टन झाले असा अंदाज आहे.

कमी उत्पादन आणि लागवडीखालील एकरी क्षेत्र कमी असण्याचे मुख्य कारण म्हणजे जिरे पेरणीच्या काळात (ऑक्टोबर-डिसेंबर २०२१) शेतकरी हरभरा आणि मोहरीकडे वळले ज्यांचे भाव जिऱ्यापेक्षा जास्त होते. दुसरे म्हणजे, गुजरातमधील द्वारका, बनासकांठा आणि कच्छ आणि राजस्थानमधील जोधपूर आणि नागौर या प्रमुख जिरे पट्ट्यांमध्ये जास्त पावसामुळे उत्पादन घटण्याची शक्यता वाढली आहे.

महत्वाच्या बातम्या
मिरचीची लागवड करून गावातील महिलांना रोजगार उपलब्ध करून देणारी तरुणी 
जादा उसाचे गाळप पूर्णपणे होणार : साखर आयुक्तालय