पुणे 

राज्यात पावसासाठी पोषक वातावरण नसल्याने पावसाने उघडीप दिली आहे. मात्र (ता. ५) कोकणात तुरळक ठिकाणी जोरदार सरींची शक्यता आहे.

राज्यात पावसाने उघडीप दिली आहे. मात्र ढगाळ वातावरणासह ऊन सावल्यांचा खेळ राज्यात सुरु आहे. तर अधूनमधून हलका पाऊस हजेरी देखील लावत आहे. आज कोकणातील रायगड, रत्नागिरी, सिंधुदुर्ग जिल्ह्यात तुरळक ठिकाणी जोरदार सरींची शक्यता आहे. 

मराठवाड्याच्या सर्वच भागात पावसाने विश्रांती दिली आहे. यामुळे खुरपणी किटकनाशकांच्या फवारणीच्या कामांना वेग आला आहे. तसंच काही भागात पिकांची वाढ झाली आहे तर काही ठिकाणी वाढ खुंटली आहे.  

दरम्यान,  कोल्हापुरातील साळवण मंडळात ६८.३ मिलिमीटर, पुणे जिल्ह्यातील वेल्हा येथे ५६.५ मिलिमीटर पाऊस पडला. नगर, सोलापूर, सातारा व पुणे, सांगलीच्या पूर्व भागात पावसाअभावी पिके सुकत आहेत.