1. बातम्या

रेशीम उत्पादकांसाठी मोठी बातमी; राज्य सरकारकडून ६२.७४ लाख रुपयांचा निधी वितरित

भरत भास्कर जाधव
भरत भास्कर जाधव

 

राज्यातील रेशीम बीज  कोष उत्पादक शेतकऱ्यांनी  विक्री केलेल्या कोषाची रक्कम अदा करण्यासाठी व नवीन अंडी पूंज निर्मितीसाठी  महाराष्ट्र सरकारकडून  ६२. ७४ लाख  रुपयांचा निधी  वितरित करण्यात आला. या संदर्भात राज्याचे वस्त्रोद्योग राज्यमंत्री  राजेंद्र पाटील यड्रावर यांनी  सदर निधी वितरित करण्यास मान्यता दिली. त्यानुसार सदर निधी नागपूर येथील रेशीम संचालनालयाचे संचालक यांना वितरित करण्यात आला आहे.

 राज्यातील रेशीम उत्पादक शेतकऱ्यांना  दर्जेदार अंडीपुंजाचा पुरवठा व्हावा म्हणून कोल्हापूर जिल्ह्यातील गडहिंग्लज येथे  महाराष्ट्र सरकारचे तुती अंडीपुंज निर्मिती केंद्र आहे. अंडी पुंज तयार करण्यासाठी  बीज कोषाची खरेदी या केंद्रामार्फत करण्यात येते. कोल्हापूर, सांगली, सातारा, सिंधुदुर्ग व आसपासच्या परिसरातील शेतकरी तुती रेशीम तसेच गडचिरोली , भंडारा, चंद्रपूर व गोंदिया  जिल्ह्यातील लाभार्थी किंवा  लाभार्थी शेतकरी टसर रेशीम कोषाचे उत्पादन घेऊन अंडीपंजू केंद्रामध्ये  विक्री करतात. कोरोनामुळे ही निर्मिती केंद्र बंद होते, मात्र रेशीम संचालनालयामार्फत  शेतकऱ्यांना  अंडीपुंजाचा पुरवठा सुरळीत ठेवण्यात आला होता. 

यादरम्यान राज्यातील रेशीम बीज कोष उत्पादक शेतकऱ्यांनी  विक्री केलेल्या कोषाची रक्कम करण्यासाठी  शासनामार्फत निधीची आवश्यकता होती. याबाबत मुंबई येथे वस्त्रोद्योग राज्यमंत्री यड्रावर यांच्याप्रमुख उपस्थितीत रेशीम कोष संदर्भात केंद्र शासनाकडून आलेल्या निधीमध्ये राज्य सरकार सहभाग अनुदानाची  तरतुद करणे बाबत  आढावा  बैठक पार पडली.

 

Share your comments

आमच्या न्यूसलेटरचे सदस्य व्हा. शेती संबंधीत देशभरातील आताच्या बातम्या मेलवर वाचण्यासाठी आमच्या न्यूसलेटरची सदस्यता घ्या.

Subscribe Newsletters