गेल्या काही दिवसांपासून बारामती तालुक्यात बिबट्याची सुरू असलेली चर्चा आज इंदापूर तालुक्यात आली आहे. आता सणसर येथील 36 फाटा या ठिकाणी रात्री बिबट्यासदृश प्राणी दिसल्याने परिसरातील शेतकऱ्यांमध्ये दहशत पसरली आहे. यामुळे शेतकऱ्यांमध्ये याची चर्चा सुरू आहे.

चार दिवसापूर्वी लिमटेकमध्ये सदृश प्राण्याने सहा शेळ्या फस्त केल्या होत्या. असे असले तरी या ठिकाणी बिबट्या असल्याचा कोणताही पुरावा वन विभागास मिळाला नव्हता. मात्र आता सणसरमध्ये बिबट्या आढळल्याने चर्चा सुरू झाली आहे.

सणसरमधील 36 फाटा येथील मिऱ्याचा माळ परिसरामध्ये रात्री दोन वाजता नदीजोड प्रकल्पावरील सुरक्षारक्षक ड्युटीवर जात असताना शेतात बिबट्या डांबरी रस्त्याने पुढे गेल्याचे त्यांना दिसले. यामुळे ताब्यात इतर शेतकऱ्यांना माहिती देण्यात आली आहे.

यामुळे परिसरात भीतीचे वातावरण निर्माण झाले आहे. आज सकाळी गावातील नागरिकांनी याठिकाणी पाहणी देखील केली आहे. यावेळी येथील शेतात चिखलामध्ये प्राण्याचे ठसे आढळले आहेत. याची खात्री करण्यासाठी वनविभागाच्या अधिकाऱ्यांना पाचारण करण्यात आले आहे.