बीटरूट ज्यूसचे सेवन आरोग्यासाठी खूप फायदेशीर मानले जाते.कारण बीटरूट ज्यूसमध्ये भरपूर पोषक असतात. त्यामुळे बीटचा रस अनेक आजारांवरही फायदेशीर ठरतो. बीटच्या रसामध्ये पोटॅशियम, झिंक, कॅल्शियम, आयोडीन, मॅग्नेशियम, फॉस्फरस, सल्फर, तांबे, चरबी आणि जीवनसत्त्वे B1, B2, B6 आणि नियासिन सारखे पोषक घटक असतात, हे सर्व निरोगी शरीरासाठी आवश्यक आहेत.

पण बीटचा रस जास्त प्रमाणात सेवन करू नये. बीटरूटचा रस जास्त प्रमाणात सेवन केल्याने आरोग्याला फायदा होण्याऐवजी हानी पोहोचते. चला जाणून घेऊया बीटचा ज्यूस पिण्याचे कोणते फायदे आणि तोटे आहेत.
 

बीटचा रस पिण्याचे फायदे

बीटच्या रसामध्ये लोह मुबलक प्रमाणात आढळते, त्यामुळे त्याचे सेवन केल्याने अशक्तपणा दूर होतो. बीट रूटमध्ये पुरेशा प्रमाणात फायबर आढळते, त्यामुळे त्याचे सेवन पोटासाठी फायदेशीर मानले जाते. बीटरूटचा रस प्यायल्याने पोट साफ होते. यासोबतच पचनक्रियाही चांगली राहते.
 

बीटच्या ज्यूसमध्ये भरपूर पोषक असतात, त्यामुळे त्याचे सेवन केल्याने रोगप्रतिकारशक्ती मजबूत होते. जे लोक अनेकदा आजारी पडतात, त्यांनी रोज एक ग्लास बीटरूट ज्यूस प्यावा. बीटरूटमध्ये अँटिऑक्सिडंट गुणधर्म असतात, त्यामुळे त्याचे सेवन त्वचेसाठी खूप फायदेशीर मानले जाते. बीटरूटचा रस रोज सेवन केल्यास त्वचेशी संबंधित समस्या दूर होतात. त्यामुळे त्वचेवर चमकही येते.
 
बीटरूटमध्ये कॅल्शियम असते. त्यामुळे बीटचा रस सेवन केल्याने हाडे मजबूत होतात. बीट रूटचे सेवन केसांसाठीही खूप फायदेशीर मानले जाते. कारण बीटरूटमध्ये फॉस्फरस असते आणि फॉस्फरस केसांच्या वाढीसाठी उपयुक्त ठरते. बीटच्या रसाचे सेवन रक्तदाबाच्या रुग्णांसाठी खूप फायदेशीर ठरते. कारण बीटरूट ज्यूसमध्ये पोटॅशियमचे प्रमाण चांगले असते, जे रक्तदाब नियंत्रित ठेवण्यास उपयुक्त ठरते.