तुळशी मिल्क : पाच रोगांना दूर करण्याबरोबर वाढवते रोगप्रतिकारक शक्ती ; जाणून घ्या! तुळशी मिल्क बनवण्याची पद्धत

19 June 2020 01:43 PM By: भरत भास्कर जाधव


तुळशीच्या पानांमध्ये अनेक औषधी गुणधर्म असतात, यामुळे तुळशीला आयुर्वेदात खूप महत्त्व आहे. तुळशीच्या पानांचे सेवन केल्यानंतर अनेक विकार दूर होतात. सध्या जगात कोरोना नावाचा आजार पसरला आहे. हा आजार आपली रोगप्रतिकारक शक्ती कमी करत असतो, यामुळे सरकारकडून रोगप्रतिकारक शक्ती वाढविण्यास भर दिला आहे. तुळशीच्या पाने रोगप्रतिकारक शक्ती वाढविण्यास मदत करतात. यामुळे तुळशीची पाने आपण सेवन केली पाहिजे.  परंतु तुम्हाला माहिती आहे का?  जर तुळशीची पाने दुधात टाकून  दूध गरम केले आणि ते पिले तर आपण अनेक विकारातून मुक्त होऊ शकतो.  चला तर मग तुळशी दूध म्हणजेच तुळशी मिल्क बनवण्याची पद्धत आणि याचे सेवन करण्याची वेळ याची माहिती घेऊया.

कसे कराल सेवन  - तुळशी मिल्क बनवण्यासाठी दीड ग्लास दूध गरम करावे. दूध गरम करताना त्यात ८ ते १० तुळशीची पाने टाकावीत. गरम करताना दूध थोडं अटू द्यावे, एक ग्लास दूध राहिले असेल तर गॅस बंद करावा. दूध थोडं गार झाल्यानंतर घ्यावे. नियमित तुळशी मिल्क घेतल्यानंतरच तुमची रोगप्रतिकारक शक्ती वाढेल.

कोणते विकार होतात दूर

मायग्रेन पासून होते मुक्ती - दुधात तुळशीची पाने टाकून पिल्यानंतर डोके दुखी आणि मायग्रेन सारखी समस्या दूर होते. जर आपणास मायग्रेनचा त्रास बऱ्याच दिवसांपासून असेल तर आपण दररोज तुळशी मिल्कचे सेवन करावे.

तणावापासून होते मुक्ती -

जर आपण ऑफिसचे टेन्शन किंवा कुटुंबातील वादामुळे तणावात राहत असाल तर तुळशी मिल्क आपल्याला यातून सुटका देणार आहे. तुळशीच्या पानात हिलिंगचे गुण असतात. दुधात तुळशीचे पाने टाकून त्याचे सेवन केल्यास तणावही दूर होतो.

रोगप्रतिकार शक्ती वाढविण्यास मदत - सध्या कोरोनासारख्या आजाराची साथ चालू आहे. कोरोना आपल्या शरिरातील रोगप्रतिकारक शक्ती कमी करत असतो. अशात आपल्याला रोगप्रतिकारक शक्ती वाढविण्याची गरज असते आणि ते मिळते तुळशी मिल्क मधून.  तुळशीच्या पानात एंटीऑक्सीडेंट्स हे गुण असतात हे रोगप्रतिकारक शक्ती वाढविण्यात मदत करतात. यासह तुळशीमध्ये एंटीबॅक्टेरिअल आणि एंटीवायरल हे गुण असल्याने सर्दी, खोकला, तापही दूर होत असतो.

हृदयाची घेते काळजी -  दुधात तुळशीचे पाने टाकून दूध गरम केल्याने  आपले हृदय पण निरोगी राहते.  रोज रिकाम्या पोटी तुळशी मिल्क पिल्याने हृदय रोग्यांना फायदा होत असतो.

दमाच्या विकारापासून ठेवते दूर   जर आपल्याला श्वास घेण्यास त्रास होत असेल तर तुळशी मिल्क घ्यावे. या आजारापासूनही तुळशी मिल्क आपली सुटका करेल.

ayurvedic immunity boosting tips tulsi milk tulsi plant yulsi medical plant तुळशी औषधी तुळशी तुळशी मिल्क रोगप्रतिकारक शक्ती वर्धक तुळशी
English Summary: ayurvedic immunity boosting tips these 5 diseases are cured by boiling basil tulshi leaves milk

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.