Almond Benefits : फायबर आणि प्रोटीनने भरपूर असलेले बदाम आरोग्यासाठी खूप फायदेशीर आहेत. आहारात पुरेशा प्रमाणात फायबर आणि प्रथिने मिळाल्यास पचनशक्ती सुरळीत राहते आणि पोटाच्या समस्यांपासून मुक्ती मिळाल्याने तुम्ही निरोगी बनता, असे डॉक्टरांचे मत आहे. म्हणजेच, जर तुम्हाला कमी शब्दात समजायचे असेल, तर बदामाचे (Almond Health Benifits) नियमित सेवन तुमच्यासाठी खूप फायदेशीर ठरू शकते.

आता महत्वाचे भिजवलेले बदाम का खावेत?

लहानपणी तुम्ही तुमच्या आईला घरात रात्री बदाम भिजवताना (Soaked Almond) पाहिलं असेल. आजीच्या स्वयंपाकघरातील ही रेसिपी तुमच्या व्यस्त जीवनात सकारात्मक बदल घडवू शकते. पण तुम्हाला माहित आहे का की भिजवलेले बदाम आरोग्यासाठी जास्त फायदेशीर (Soaked Almond Health Benefits) असतात.

आयुर्वेदिक तत्त्वांनुसार भिजवलेल्या बदामाचे दुहेरी फायदे आहेत.  तुम्हाला माहित आहे का की बदामाच्या सालीमध्ये भरपूर अँटी-न्यूट्रिएंट्स, फायटिक अॅसिड आणि टॅनिन असतात? भिजवलेले बदाम खाल्ल्याने पोषक तत्वांचे शोषण कमी होते आणि रक्तातील पित्त देखील वाढते. यासाठी बदामाची साल काढून मग बदाम खावे. यासोबत आज आम्ही तुम्हाला भिजवलेले बदाम खाण्याचे फायदे देखील सांगणार आहोत.

स्मरणशक्ती वाढवण्यासाठी उपयुक्त

बदाम खाल्ल्याने बुद्धी वाढते, अशी एक म्हण आहे. पण स्मरणशक्ती वाढवण्यासाठी भिजवलेले बदाम खाणे खूप उपयुक्त आहे. मेंदूचे आरोग्य आणि स्मरणशक्ती सुधारण्यासाठी बदाम खूप फायदेशीर आहेत हे आयुर्वेद आणि अभ्यास दोन्ही मान्य करतात. शिवाय, याच्या सेवनाने रोगप्रतिकारशक्तीही वाढते.

जलद वजन कमी करण्यासाठी फायदेशीर 

अधिक वजनाच्या समस्येपासून सुटका मिळवण्यासाठी भिजवलेल्या बदामांना तुमचा सोबती बनवा. स्नॅक्समध्ये बदाम खाल्ल्याने पोट बराच काळ भरलेले राहते आणि वारंवार भूकही लागत नाही. यासोबतच अन्नाचे पचन चांगले होते.

हृदय आणि त्वचेसाठी उपयुक्त

भिजवलेले बदाम खाल्ल्याने कोलेस्ट्रॉल नियंत्रित राहते, त्यामुळे हृदयविकाराचा धोका कमी होतो. यामध्ये असलेले व्हिटॅमिन ई आणि अँटीऑक्सिडंट घटक खूप फायदेशीर आहेत. बदामातील अनसॅच्युरेटेड फॅट्स, ओमेगा 3 फॅटी अॅसिड्स, प्लांट स्टेरॉल्स हे हृदयाच्या आरोग्यासाठी चांगले असतात.

गर्भवती महिलेसाठी वरदान

गर्भवती महिलांसाठी हे वरदान आहे. बदाम गर्भवती महिलेची पचनसंस्था मजबूत करते. तसेच, भिजवलेले बदाम खाल्ल्याने गर्भातील बाळाच्या मेंदूच्या आणि न्यूरोलॉजिकल सिस्टिमच्या विकासात खूप मदत होते.