कलिंगड लागवड महाराष्ट्रात मोठ्या प्रमाणात केली जाते. आपल्याला माहित आहेच की,उन्हाळा ऋतुत कलिंगडला सर्वाधिक मागणी असते. या पिकाचे सगळ्यात महत्त्वाचे वैशिष्ट्य म्हणजे हे कमी कालावधीत चांगला नफा देऊ शकणारे पिक आहे. या पिकापासून भरघोस उत्पादन मिळावे यासाठी आपण कलिंगडच्या काही महत्त्वपूर्ण जातींची माहिती या लेखाच्या माध्यमातून पाहणार आहोत.
नक्की वाचा:हरभऱ्याच्या फुले विक्रम व पीडीकेव्‍ही कांचन (एकेजी 1109) या वाणाची गुणवैशिष्ट्ये
कलिंगडच्या सर्वात्कृष्ट उत्पादनक्षम जाती
2- मधु- ही एक संकरित जात असून फळे लंबगोल आकाराची असतात व फळांची साल गर्द हिरवी असते. एका फळाचे वजन सहा ते सात किलो भरते. आतील गर भरपूर लाल असतो. या जातीला देखील बऱ्यापैकी मागणी असते.
2- अर्का माणिक- या जातीची फळे आकाराने मोठी व गोल असतात. एवढेच नाही तर साल गर्द हिरव्या रंगाची व मध्यम जाडीचे असते.
3- मिलन- ही जात लवकर काढणीस तयार होणारी असून फळे लंबगोल आकाराची असतात व वजन सहा ते सात किलो असते.
4- अमृत- ही महिको कंपनीचे संकरित जात असून फळे मध्यम आकाराची व किंचित लांबट गोल असतात. या जातीची फळे पाच ते सात किलो वजनाची असून फळांच्या सालीचा रंग गर्द हिरवा असतो व बी कमी असते.
5- शुगर बेबी- या जातीच्या फळांची साल गर्द हिरव्या रंगाची व कमी जाडीची असून हिरवट काळे रेखावृत्ता सारखे पट्टे असतात. आतील गर लालभडक रंगाचा व खायला रवाळ व गोड असतो. महाराष्ट्रमध्ये सर्वाधिक लागवड या जातीची होते.
नक्की वाचा:Vegetable Tips: 'या'सुधारित जातींची लागवड देईल दोडका उत्पादन भरघोस, मिळेल भरपूर नफा
संकरित जाती
1- ऑगस्टा- ही जात जोमदार व लवकर तयार होणारी असून फळांचा आकार गोल असतो व सालीचा रंग काळपट गर्द हिरवा असतो. सरासरी वजन सात ते दहा किलो भरते. आतील गर आकर्षक लाल व चवीला गोड असते. दूरच्या बाजारपेठेत पाठवण्यासाठी हे उत्कृष्ट वाण आहे.
2- बादशाह- लवकर तयार होणारी जात असून फळे धरण्याची क्षमता उत्तम आहे. फळाचा आकार लांबट गोल व गर्द हिरवे पट्टे असलेले फळ असते. एका फळाचे वजन सरासरी आठ ते दहा किलो असते. दूरच्या बाजारपेठेत पाठवण्यासाठी हे वाण उत्तम आहे.
3- शुगर किंग- अतिशय जोमाने वाढणारी मजबूत वेल असलेली जात आहे. फळांचा आकार गोलाकार असून बाहेरील सालीचा रंग काळपट गर्द हिरवा असतो. आतील गर आकर्षक लाल रंगाचा असून चवीला गोड असते. या जातीचे सगळ्यात महत्त्वाचे वैशिष्ट्य म्हणजे ही जात मर रोगास प्रतिकारक आहे.
4- शुगर क्वीन- या जातीच्या फळांची साल गर्द हिरव्या रंगाची असते व आतील गर लाल व कुरकुरीत असतो. साखरेचे प्रमाण 12 ते 14 टक्के असते व या जातीमध्ये फळधारणा उत्तम होते.
Published on: 01 October 2022, 12:44 IST